महाराष्ट्र वन विभाग

वन विभाग (महाराष्ट्र शासन) हा भारतीय महाराष्ट्र राज्याचा प्रशासकीय विभाग असून विशेषतः वनसंवर्धन, वनसंरक्षण, वनीकरण आणि वन्यजीव व्यवस्थापनासाठी जबाबदार आहे.

१ जुलै ते ३० सप्टेंबर २०१९ या कालावधीत 33 कोटी वृक्ष लागवड मोहिमेसाठी जिल्हानिहाय योगदान

महाराष्ट्र वन विभागाचे मुख्यालय नागपुरात आहे.

1. अमरावती,
2. औरंगाबाद (संभाजीनगर),
3. धुळे,
4. गडचिरोली,
5. चंद्रपूर वनवृत्त
6. कोल्हापूर,
7. नागपूर,
8. नाशिक,
9. पुणे,
10. ठाणे आणि
11. यवतमाळ

येथे ११ प्रादेशिक वनवृत्ते (Circle's) आहेत.

• वन्यजीव विभाग वन्यजीव (बोरिवली) , वन्यजीव (नागपूर) आणि वन्यजीव (नाशिक) अशा ३ वन्यजीव मंडळात विभागला आहे.
• प्रधान मुख्य वनसंरक्षक यांचे कार्यालय नागपुरात असून ते वनदलप्रमुख (HoFF) असतात. तेच महाराष्ट्रातील वनविभागाचे प्रशासकीय प्रमुख असतात.
• वनहक्क कायद्यांतर्गत वनक्षेत्रातील आदिवासींचे हक्कही वनविभागाद्वारे नियंत्रित केले जातात.

३३ कोटी वृक्षलागवड मोहीम

महाराष्ट्रातील हवामान बदल आणि दुष्काळाचा सामना करण्यासाठी वन विभागाने ३३ कोटी वृक्षलागवड मोहीम आखली. महाराष्ट्र राज्यात १ जुलै ते ३० सप्टेंबर या कालावधीत ३६ जिल्ह्यांमध्ये तीन महिन्यांची वृक्षारोपण मोहीम वनमंत्री श्री. सुधीर मुनगंटीवार यांनी राबविली होती. ३३ कोटींहून अधिक रोपांची लागवड करून राज्याने उद्दिष्ट पूर्ण केले. एकूण २०१७ ते २०१९ दरम्यान महाराष्ट्र वन विभागाने 52 कोटी झाडे लावली आणि जगण्याचा दर 81% राहिला आहे.

बाह्य दुवे

• महाराष्ट्र वन विभाग, महाराष्ट्र शासनाचे अधिकृत संकेतस्थळ