बलोच जमात

विकिपीडिया, मुक्‍त ज्ञानकोशातून
Jump to navigation Jump to search

बलोच वा बलूच ही पाकिस्तानाच्या नैऋत्येकडील बलोचिस्तान प्रांत व इराणच्या सिस्तान व बलूचेस्तान प्रांत, या भूप्रदेशांत राहणारी एक जमात आहे. हे लोक इराणी भाषाकुळात गणली जाणारी बलोच भाषा बोलतात. बलोच भाषेत प्राचीन अवेस्ताई भाषेच्या खुणा आढळतात[ संदर्भ हवा ]. बलोच लोक टोळ्यांनी राहतात. ते डोंगराळ व वाळवंटी भागांत राहतात व आसपासच्या समुदायांपेक्षा आगळी अस्मिता टिकवून आहेत.

इ.स. २००९ सालच्या अंदाजानुसार बलोच समाजाची लोकसंख्या ९० लाख होती[१][२][३]. यातील सुमारे ६०% लोकसंख्या पाकिस्तानाच्या बलोचिस्तान प्रांतात, तर उर्वरित २५% इराणाच्या सिस्तान व बलूचेस्तान प्रांतात राहतात[४]. पाकिस्तानातील सिंधपंजाब प्रांतांच्या दक्षिण भागातदेखील बलोच लक्षणीय संख्येने राहतात. अफगाणिस्तान, तुर्कमेनिस्तान, ओमान, बहरीन, कुवैत व आफ्रिकेच्या काही भागांतही त्यांची वस्ती आहे. बलोच जमातीचे लोक अधिकतर सुन्नी इस्लामाचे अनुयायी आहेत. इराणमध्ये शिया समाज बहुसंख्य असल्याने, तेथे यांची वेगळी धार्मिक ओळख आहे.


संदर्भ व नोंदी[संपादन]

  1. ^ "पाकिस्तानातील भाषा" (इंग्लिश मजकूर). एथ्नोलॉग.कॉम. 
  2. ^ "इराणातील भाषा" (इंग्लिश मजकूर). एथ्नोलॉग.कॉम. .
  3. ^ "इराण - देश प्रोफाइल" (इंग्लिश मजकूर). लायब्ररी ऑफ काँग्रेस, अमेरिका. .
  4. ^ ब्लड, पीटर (इ.स. १९९५). "पाकिस्तान: अ कंट्री स्टडी" - "बलोच" (इंग्लिश मजकूर). 



Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.