फ्रांसिस दुसरा, पवित्र रोमन सम्राट

विकिपीडिया, मुक्‍त ज्ञानकोशातून
फ्रान्सिस दुसरा

फ्रान्सिस दुसरा (जर्मन: Franz II., Erwählter Römischer Kaiser; १२ फेब्रुवारी १७६८, फ्लोरेन्स − २ मार्च १८३५, व्हियेना) हा अखेरचा पवित्र रोमन सम्राट होता. १७९२ ते १८०६ दरम्यान ह्या पदावर राहिल्यानंतर फ्रान्सिसने पवित्र रोमन साम्राज्याचे विघटन केले. १९व्या शतकाच्या सुरूवातीपासून चालू असलेल्या नेपोलियोनिक युद्धांमधील २ डिसेंबर १८०५ रोजी घडलेल्या ऑस्टर्लिट्झच्या लढाईमध्ये नेपोलियनच्या नेतृत्वाखाली पहिल्या फ्रेंच साम्राज्याने रशियाऑस्ट्रियाचा धुव्वा उडवला. २६ डिसेंबर १८०५ रोजी दुसऱ्या फ्रान्सिसने प्रेसबर्ग येथे नेपोलियनसोबत तह केला ज्यामध्ये त्याला मोठ्या भूभागावरील हक्क सोडावा लागला. नेपोलियनने आपल्या अधिपत्याखाली नव्याने आलेल्या भागांमध्ये कळसुत्री राज्य स्थापन केली ज्यामुळे पवित्र रोमन साम्राज्याचे सामर्थ्य नष्ट झाले.

१८०४ साली दुसऱ्या फ्रान्सिसने ऑस्ट्रियन साम्राज्याची निर्मिती केली व तो मृत्यूपर्यंत ऑस्ट्रियन सम्राट राहिला. तसेच १७९२ ते १८०६ दरम्यान तो जर्मनीचा राजा तर १७९२ पासून मृत्यूपर्यंत हंगेरी, क्रोएशियाबोहेमियाचा राजा राहिला होता.

Commons-logo.svg
विकिमीडिया कॉमन्सवर खालील विषयाशी संबंधित संचिका आहेत:
मागील
लिओपोल्ड दुसरा
पवित्र रोमन सम्राट
१७४५-१७६५
पुढील