पीटरमारित्झबर्ग

पीटरमारित्झबर्ग दक्षिण आफ्रिकेच्या क्वाझुलू-नाताल प्रांताची राजधानी व दुसऱ्या क्रमांकाचे मोठे शहर आहे. याची स्थापना इ.स. १८३८मध्ये झाली.

या शहरास झुलू भाषेत उमगुंडलोव्हु असे नाव आहे.

७ जून, १८९३ रोजी मोहनदास गांधी रेल्वे गाडीने प्रिटोरियाला जात असताना ते प्रथम वर्गाचे तिकिट काढून त्या वर्गाच्या डब्यात बसलेले होते. एका श्वेतवर्णीय माणसाने याला आक्षेप घेतला व तिकिट तपासनीसाकरवी त्यांना गाडीच्या शेवटी असलेल्या मालवाहतूकीच्या डब्यात जाण्यास फर्मावले. गांधींनी याला नकार दिला. गाडी पीटरमारित्झबर्गला पोचल्यावर तपासनीसाने गांधींना फलाटावर ढकलून दिले व त्यांचे सामानही फेकून दिले. गांधींनी या अपमानानंतर दक्षिण आफ्रिकेत वंशविरोधाविरुद्ध जनमत तयार करण्यास सुरुवात केली.