पालक

पालक

पालक एक पालेभाजी आहे.

पालकचे शास्त्रीय नाव स्पिनॅसिया ओलेरोसिया असे आहे.

मध्य व आग्नेय आशियातून आलेले हे झाड साधारण ३० से.मी. (१ फूट) उंचीचे होते. याचा आयुष्यकाल साधारण एक वर्ष असतो. युरोप, अमेरिकेची संयुक्त संस्थाने आणि आशियातील अनेक भागांत पालकची लागवड केली जाते. भारतामध्ये प्राचीन काळापासून पालकाची लागवड केली जाते.

स्वरूप

पालकाच्या भाजीत जीवनसत्त्व ए, बी, सी आणि इ तसेच प्रोटीन, सोडियम, कॅल्शियम, फॉस्फरस, क्लोरिन व लोह असते. पालक रक्तातील रक्तकणांची वाढ करते. पालकमध्ये जास्तीत जास्त प्रोटीन निर्माण करणारे अ‍ॅमिनो अ‍ॅसिड असते.

लागवड

समशीतोष्ण कटिबंध हवामानात बाराही महिने पालकाचे उत्पन्न निघते.

उपयोग

पालकाच्या बियांचा औषधासाठी उपयोग होतो. पालकच्या भाजीपासून अनेक पदार्थ तयार करता येतात.