पांढऱ्या छातीची पाणकोंबडी

विकिपीडिया, मुक्‍त ज्ञानकोशातून
Jump to navigation Jump to search
पांढऱ्या छातीची पाणकोंबडी

पांढऱ्या छातीची पाणकोंबडी, टरकू किंवा कुंवा कोंबडी (इंग्लिश:Ceylonese Whitebreasted Waterhen; हिंदी:जलमुर्गी, डौक, दवक) हा एक पाणपक्षी आहे.

हा पक्षी आकाराने अंदाजे तित्तिराएवढा असून याचा रंग दगडी पाटीसारखा करडा असतो, शेपटी भुंडी असते. हा लांब पायांचा जलचर पक्षी आहे. याची चेहरा व छाती पांढरी असते, शेपटीखाली गंजासारखा लालभडक डाग असतो. नर-मादी दिसायला सारखे असतात. ते एकटे किंवा जोडीने जमिनीवर आढळतात.

वितरण[संपादन]

ते भारतीय उपखंड, श्रीलंका आणि मालदीव बेटावर निवासी असतात. जून ते ऑक्टोबर हा त्यांच्या विणीचा हंगाम असतो.

निवासस्थाने[संपादन]

ते झिलाणी, भातशेती, खाजणी आणि झुडूपी दलदली अश्या भागात आढळतात.

संदर्भ[संपादन]

  • पक्षीकोश - मारुती चितमपल्ली