निर्मला गोगटे

विकिपीडिया, मुक्‍त ज्ञानकोशातून
Jump to navigation Jump to search

निर्मला गोगटे (माहेरच्या निर्मला बापट, जन्म : १९३६ - ) या एक पुण्यात राहणाऱ्या शास्त्रीय संगीत गायिका व अभिनेत्री आहेत. सी.आर. व्यास, बी.आर. देवधर, जी.डी. अग्नी, व्ही आर. आठवले यांसारख्या दिग्गज गायकांच्याकडे त्या गायन शिकल्या. नाट्यसंगीतासाठी त्यांना कृष्णराव चोणकर, गोविंदराव पटवर्धन आणि पुरुषोत्तम वालावलकर यांसारखे गुरू लाभले. मराठी आणि संस्कृत रंगभूमीवर गाजलेल्या नाटकांच्या नाट्यसंगीत गायनासाठी त्या नावाजल्या गेल्या आहेत.[१]

रेडिओ आणि दूरचित्रवाणीवरील कार्यक्रमांव्यतिरिक्त गोगटे यांनी भारताप्रमाणेच अमेरिकेतही गायनाचे जाहीर कार्यक्रम केले आहेत.

महाराष्ट्राच्या नव्या विधान भवनाचे जेव्हा इंदिरा गांधी यांनी मुंबईत १९८१ साली उद्‌घाटन केले, तेव्हा त्या कार्यक्रमात गाणे सादर करावयाचा मान निर्मला गोगटे यांना मिळाला होता.

निवृत्त स्थापत्य अभियंता मधुकर नारायण गोगटे हे निर्मला गोगटे यांचे पती आहेत. मधुकर गोगटे अनेक वर्षे मराठी विज्ञान परिषदेचे अध्यक्ष होते. पुण्यातील इंजिनिअर्स असोसिएशनचेही ते पदाधिकारी होते. त्यांनी असोसिएशनच्या सभागृहात बांधकाम या विषयावरील अनेक वैचारिक व्याख्याने नियमितपणे आयोजित केली आहेत. भारतीय भाषांसाठी रोमन लिपीचा पुरस्कार करण्याचे कार्य ते सन १९६६पासून करीत आहेत.

नाटके[संपादन]

निर्मला गोगटे यांनी भूमिका केलेली नाटके

  • उत्तररामचरित्रम् (संस्कृत)
  • एकच प्याला
  • मानापमान
  • मृच्छिकाकटिकमॄ (संस्कृत)
  • शाकुंतलम् (संस्कृत)
  • संशयकल्लोळ
  • सौभद्र
  • स्वयंवर

गीते[संपादन]

निर्मला गोगटे यांची प्रसिद्ध गीते[२]: -

  • एकला नयनाला (नाट्यगीत - नाटक : स्वयंवर)
  • ओठांवरती रोज प्रभाती (भावगीत,
  • जय जय विठ्ठल रखुमाई (भावगीत,
  • पाही सदा मी (नाट्यगीत)
  • मम आत्मा गमला (नाट्यगीत - नाटक : स्वयंवर)
  • मी अघना (नाट्यगीत)
  • मी बोलू कुणा प्रभु (भावगीत)
  • रूपबली तो नरशार्दुल (नाट्यगीत - नाटक : स्वयंवर)
  • श्रीहरी गोड तुझी बासरी (भावगीत, कवी सूर्यकांत खांडेकर, राग - भैरवी)
  • सवतचि भासे मला (नाट्यगीत,
  • सृजन कसा मन चोरी (नाट्यगीत - नाटक : स्वयंवर)
  • हा टकमक पाही

ग्रंथलेखन[संपादन]

  • Inter-relation of music on Gujarati, Marathi and Kannada. stage (मराठी)

पुरस्कार[संपादन]


(अपूर्ण)

  1. ^ http://www.mngogate.com/e05.htm
  2. ^ https://www.aathavanitli-gani.com/Swar/Nirmala_Gogate