नातू पुरस्कार

भाऊसाहेब नातू यांच्या स्मृतिदिनानिमित्त नातू फाउंडेशनचे पुरस्कार प्रामुख्याने ग्रामीण भागात काम करणाऱ्या कार्यकर्त्याला दिले जातात.

पुरस्कार अनेक आहेत :

महादेव बळवंत नातू पुरस्कार : ग्रामीण भागात किमान १५ वर्षे प्रत्यक्ष राहून काम करणाऱ्या कार्यकर्त्याला दिला जाणारा पुरस्कार. एक लाख रुपये व स्मृतिचिन्ह असे या पुरस्काराचे स्वरूप आहे.

सुलोचना नातू सेवाव्रती कार्यकर्ता पुरस्कार : ध्येयवादी वृत्तीने किमान पाच वर्षे पूर्णवेळ समाजासाठी काम करणाऱ्यास सेवाव्रती कार्यासाठी हा पुरस्कार दिला जातो. २५ हजार रुपये व स्मृतिचिन्ह असे या पुरस्काराचे स्वरूप आहे.

महादेव बळवंत नातू पुरस्काराचे मानकरी

इ.स. २०१० : पर्यावरण चळवळीतील ज्येष्ठ अभ्यासक आणि कार्यकर्ते दिलीप कुलकर्णी
इ.स. २०१२ : मेळघाटातील सामाजिक कार्यकर्ते डॉ. रवी व डॉ. स्मिता कोल्हे
इ.स. २०१३ : २० वर्षांहून अधिक काळ भटक्‍या विमुक्त समाजासाठी काम करणारे सामाजिक कार्यकर्ते गिरीश प्रभुणे
इ.स. २०१५ : आदिवासी भागात तज्ज्ञ डॉक्टरांअभावी वैद्यकीय सेवा पुरविणारे डॉ. अशोक बेलखोडे
इ.स. २०१६ : ज्ञानप्रबोधिनी संस्थेचे कार्यवाह सुभाष देशपांडे

सेवाव्रती पुरस्काराचे मानकरी

इ.स. २०१० : तुळजापूर येथील कार्यकर्ते अशोक तांबे
इ.स. २०१२ : धुळे जिल्ह्यातील बारीपाडा येथील वनवासी कार्यकर्ते चैत्राम पवार
इ.स. २०१३ : स्वतः पारधी समाजातून आलेले आणि सोलापूर जिल्ह्यात मोहोळ येथे पारधी समाजासाठी वसतिगृहाच्या माध्यमातून समाजकार्य करणारे जगन्नाथ भोसले
इ.स. २०१५ : आदिवासी नागरिकांसाठी कार्य करणाऱ्या ठमाताई पवार
इ.स. २०१६ : पाबळ येथील विज्ञान आश्रमाचे संचालक डॉ. योगेश कुलकर्णी

इतर नातू पुरस्कारांचे अन्य मानकरी

इ.स. २०१०

ज्ञानप्रबोधिनी, पुणे (दोन लाख रुपये)
भातू कोल्हाटी विकास परिषद (करमाळा) आणि जनकल्याण रक्तपेढी (पुणे) (प्रत्येकी एक लाख रुपये)
वेध संस्था (गडचिरोली) व वनवासी कल्याण आश्रम, ता. कर्जत (प्रत्येकी ६० हजार रुपये)

इ.स. २०१२

सेवा भारती, इचलकरंजी (एक लाख रुपये)
श्री गुरुजी रुग्णालय, नाशिक (एक लाख रुपये)
कमला मेहता रुग्णालय, शिरवळ (एक लाख रुपये)
ज्ञान प्रबोधिनी, पुणे (७५ हजार रुपये)
जनसेवा फाउंडेशन, पुणे (५० हजार रुपये)
आरोग्य सेना, पुणे (२५ हजार रुपये)
अस्तित्त्व प्रतिष्ठान, पुरंदर (२० हजार रुपये
डॉ. अविनाश पोळ, सातारा (२० हजार रुपये)
संत सेवा संघ, विपश्‍यना समिती (पुणे), मैत्री, रेणू गावसकर (एकलव्य शिक्षण संस्था) आणि गणेश वेद पाठशाळा (रत्‍नागिरी) या संस्था (प्रत्येकी १० हजार रुपये)