दिलीप सरवटे

डाॅ. दिलीप सरवटे हे व्यवस्थापन या विषयावर मराठी-इंग्लिशमध्ये लिहिणारे लेखक आहेत. ते स्वतः उद्योजक, व्यवस्थापन सल्लागार व व्यवस्थापन शिक्षक आहेत. हे पुण्यातून ३२हून अधिक वर्षे स्थायिक आहेत. ते सर्टिफाईड मॅनेजमेन्ट कन्सल्टंन्ट (CMC) असून सन १९९८-२००० या काळात 'इन्स्टिट्यूट ऑफ मॅनेजमेन्ट कन्सल्टंट ऑफ इंडिया' (आयएमसीआय)चे राष्ट्रीय अध्यक्ष होते. त्यांनी ७००हून अधिक प्रकल्पांवर काम केले आहे. ते मॅनेजमेन्ट स्ट्रॅटेजी, उद्योजकता विकास व तत्सम विषयांवर व्याख्याबे देणारे एक प्रसिद्ध वक्ते आहेत.

सरवटे हे मुंबई विद्यापीठाचे इलेक्ट्रिकल इंजिनिअर असून त्यांनी अमेरिकेतून मॅनेजमेन्ट ॲन्ड बिझिनेस ॲडमिनिस्ट्रेशन (एमबीए)ची पदवी मिळवली व त्यानंतर पुणे विद्यापीठाची डाॅक्टरेट. ते स्वतः पीएच.डी.चे गाईड असून त्यांच्या मार्गदर्शनाखाली १२हून अधिक विद्यार्थ्यांनी संशोधन केले आहे.

सरवटे यांची १०हून अधिक इंग्रजी पुस्तके व ७हून अधिक मराठी पुस्तके प्रकाशित झाली आहेत.

पुस्तके[संपादन]

Advertising, Sales And Distribution Management (काॅमर्स काॅलेजकरिता क्रमिक पुस्तक, इंग्रजी)
आजारी उद्योग : समस्या व उपाय
Indian Cases In Marketing Management (इंग्रजी)
उत्कृष्टतेच्या शोधात : काही भारतीय अनुभव
उद्योजक बना
Entrepreneurial Development (काॅमर्स काॅलेजकरिता क्रमिक पुस्तक, इंग्रजी)
Entrepreneurship Development And Project Management (काॅमर्स काॅलेजचे क्रमिक पुस्तक, इंग्रजी)
ग्राहक राजा जागा हो
निवडणूक जिंकण्यासाठी सर्व काही (सहलेखक - डाॅ. उदय निरगुडकर)
Management Innovation (इंग्रजी)
Marketing Research.(इंग्रजी)
सहयोजक बना
ज्ञानयोजक बना