तुरेवाला सर्पगरुड

विकिपीडिया, मुक्‍त ज्ञानकोशातून
(तुरेवाला सर्प गरुड या पानावरून पुनर्निर्देशित)
तुरेवाला सर्पगरुड
Crested Sperpent Eagle 1.jpg
शास्त्रीय नाव स्पिलॉर्निस चील
(Spilornis cheela)
अन्य भाषांतील नावे
इंग्लिश क्रेस्टेड सर्पंट-ईगल
(Crested Serpent Eagle)
संस्कृत मालाय, सर्पारि, नागाशी, सर्पांत
तुरेवाला सर्पगरुड

तुरेवाला सर्पगरुड, मोरघार किंवा मूरयला (शास्त्रीय नाव:स्पायलॉर्निस चीला) ही गृध्राद्य पक्षिकुळातील पक्ष्यांची प्रजाती आहे. याला इंग्लिशमध्ये क्रेस्टेड सर्पंट ईगल तर संस्कृतमध्ये पन्नगाद असे नाव आहे. यांच्या डोक्यावरील असलेल्या तुऱ्यांमुळे या प्रजातीस तुरेवाला असे नाव आहे.

तुरेवाला सर्पगरुड
क्रेस्टेड सर्पंट ईगल याच्या पिसांची/पंखांची रचना

माहिती[संपादन]

साधारण ७४ सेमी आकाराचा हा गरुड बेडूक, पाली, सरडे, उंदीर, मोर, रानकोंबड़या, सरके पक्षी यांची शिकारी करण्याबरोबरच सापही पकडतो. त्याच्या खाद्यात विषारी सापांचाही समवेश होतो.हा जंगलात राहणारा पक्षी आहे. जंगलातल्या मोकळ्या जागांच्या कडेला असलेल्या झाडांवर बसून तो सरपटणाऱ्या प्राण्यांच्या हालचालीची वाट बघत असतो. तसूभर हलचाल दिसली तरी तो फांदीवरून झेपावतो आणि सुरीसारख्या धारदार नख्यांनी सज्ज अशा पंज्यामधे भक्ष्याला जायबंदी करतो. याने हतबल झालेल्या भक्ष्याचे अणकुचीदार नखे आणि बाकदार चोच यांनी तुकडे करून गिळून टाकतो.

गडद तपकिरी रंगाचा हा गरुड संपूर्ण महाराष्ट्रात दिसतो. (रंगीत चित्र पान प, पक्षी क्र. ९) त्याची विण डिसेंबर ते मार्च दरम्यान होते. जंगलातल्या एखाद्या उंच झाडावर काड्या-काटक्या आणि मध्यम आकाराच्या फांद्या गोळा करून घरटे केले जाते. लांबून पाहिले असता घरटे एखाद्या ढिगाऱ्यासारखे दिसते. गरुडाची मादी या घरटयात एकच अंडे घालते. घरटे असलेले झाड पडले नाही किंवा तोडल्या गेले नाही तर, वर्षानुवर्ष एकच घरटे वापरल्या जाते. दरवर्षी घरटयात नवीन काड्या–काटक्यांची भर घातली जाते.

हा मोठा रुबाबदार पक्षी आहे. विशेषत: त्याच्या डोक्यावरचा काळा-पांढरा तुरा मोठा झोकदार दिसतो. त्याची ऐट वाढवतो. उंच आकाशात उडणारा सर्पगरुड त्याच्या पंखांमध्ये असलेल्या पांढऱ्या पट्ट्यांवरून सहज ओळखू येतो. उंच उंच आकाशात घिरट्या घालत तो स्वत:च्या राज्याची देखरेख करतो आणि अधूनमधून आरोळी देतो ‘केक केक कीs किs !’