जागतिक संग्रहालय दिन

जागतिक संग्रहालय दिन हा एक जागतिक दिवस म्हणून आंतरराष्ट्रीय स्तरावर साजरा केला जातो.

महत्व

संग्रहालय ही वारसा सांभाळणारी एक रचना मानली जाते ज्या ठिकाणी संस्कृती, इतिहास,परंपरा याची माहिती देणारी विविध दालने असतात. प्रत्येक देशाची, प्रांताची परंपरा, स्थापत्य, केला अशा विविध विषयांशी संबंधित वस्तू संग्रहालयात सांभाळून ठेवली जातात. पुढील पिढ्यांसाठी हे संचित मानले जाते. त्यामुळे जगभरातील विविध विषयांशी संबंधित संग्रहालयाच्या समस्या तसेच धोरणे माहिती करून घेण्यासाठी , संग्रहालयाचे महत्व सर्वाँना समजावे यासाठी हा दिवस १८ मे रोजी दरवर्षी साजरा केला जातो.

संकल्पना

प्रत्येक वर्षी संग्रहालय दिवस साजरा करण्यासाठी एक संकल्पना स्वीकारली जाते. २०२४ साली शिक्षण आणि संशोधनासाठी संग्रहालय म्हणजेच Museums for education and research ही संकल्पना स्वीकारली गेली आहे.

स्वरूप

हा दिवस साजरा करण्यासाठी विविध संग्रहालये आपापल्या संस्थेत सांस्कृतिक कार्यक्रम आयोजित करतात. संग्रहालय भेट देण्यासाठी नागरिकांना प्रोत्साहित करतात. विविध व्याख्याने, चर्चासत्रे यांचे आयोजन केले जाते. विद्यार्थ्यांसाठी स्पर्धांचे आयोजन करून त्यांना प्रोत्साहन दिले जाते.

हे ही पहा

संग्रहालय

चित्रदालन

• 
  गणेश संग्रहालय,सारसबाग (४)
• 
  झपूर्झा कला आणि संस्कृती संग्रहालय वस्रदालनातील पितांबर विषयक प्रदर्शन