कॉलेज रोमान्स

कॉलेज रोमान्स ही एक भारतीय, हिंदी वेब मालिका आहे, जी द व्हायरल फिव्हरने तयार केली आणि अरुणाभ कुमार यांनी विकसित केली आहे. यात केशव साधना, अपूर्व अरोरा, मनजोत सिंग, गगन अरोरा आणि श्रेया मेहता यांच्या मुख्य भूमिका आहेत. करण, नायरा आणि ट्रिप्पी या तीन जिवलग मित्रांचे प्रेम, विनोद आणि महाविद्यालयीन जीवनात एकत्र असतानाच्या आठवणींचा कथेवर आधारित ही मालिका आहे.

सिमरप्रीत सिंग दिग्दर्शित कॉलेज रोमान्स सीझन १, कंपनीचा माध्यम स्ट्रीमिंग प्लॅटफॉर्म टीव्हीएफ प्ले वर आणि यूट्यूब वर ७ ऑगस्ट २०१८ रोजी एकाच वेळी प्रदर्शित झाला आणि त्याला प्रेक्षकांचा सकारात्मक प्रतिसाद मिळाला. पहिल्या सीझनच्या यशानंतर, निर्मात्यांनी अपूर्व सिंग कार्की दिग्दर्शित दुसऱ्या सीझनचे नूतनीकरण केले, जे २९ जानेवारी २०२१ रोजी सोनी लिव्हद्वारे प्रसारित झाले.

पारिजात जोशी दिग्दर्शित तिसरा सीझन १६ सप्टेंबर २०२२ रोजी सोनी लिव्हद्वारे प्रदर्शित झाला. मालिकेचा चौथा आणि शेवटचा सीझन १४ जुलै २०२३ रोजी प्रदर्शित झाला.