अमिताव घोष

हा लेख रिझर्व बँकेचे गव्हर्नर अमिताभ घोष याबद्दल आहे. या शब्दाच्या इतर उपयोगांसाठी पाहा, अमिताभ घोष (लेखक).

अमिताव घोष हे भारतीय रिझर्व बँकेचे १६ वे गव्हर्नर होते. गव्हर्नर म्हणून त्यांचा कार्यकाळ अवघ्या २० दिवसांचा होता. सगळ्यात कमी कालावधीचे गव्हर्नर म्हणून अमिताव घोष ओळखले जातात. अमिताव घोष हे आधी रिझर्व बँकेचे डेप्युटी गव्हर्नर होते. तर त्या आधी त्यांनी अलाहबाद बँकेचे चेअरमन म्हणून काम पाहिले आहे आणि ते आय.डी.बी.आय. बँकेच्या संचालकांपैकी एक होते. तसेच नॅशनल इन्स्टिट्यूट ऑफ बँक मॅनेजेमेन्ट या संस्थेच्या मंडळावरही होते.

अमिताव घोष यांना रु. २/- (दोन सिरिज), रु. ५/- आणि रु. १०/- या नोटांवर भारतीय रिझर्व बँकेचे गव्हर्नर म्हणून आपली सही करता आली. ए. घोष अशी छोटी स्वाक्षरी असलेल्या अमिताव घोष यांच्या नोटा छंद म्हणून जमा कराणाऱ्यांमध्ये अत्यंत दुर्मिळ मानल्या जातात.

हेसुद्धा पहा

भारतीय रिझर्व बँकेच्या गव्हर्नरांची यादी

बाह्य दुवे

• रिझर्व बँकेच्या संकेतस्थळावरील गव्हर्नरांच्या माहितीचे पान