दक्षिण बेट, न्यू झीलँड

न्यू झीलॅंडचे दक्षिण बेट या देशातील दोन प्रमुख बेटांपैकी आहे. १,५०,४३७ किमी^२ क्षेत्रफळाचे हे बेट आकारानुसार जगातील १२व्या क्रमांकाचे आहे. जून २०१५च्या अंदाजानुसार येथील लोकसंख्या १०,७६,३०० इतकी होती. ही लोकसंख्या न्यू झीलॅंडच्या एकूण लोकसंख्येच्या २३% होती.

माओरी भाषेत टे वैपूनामू असे नाव असलेल्या या बेटाच्या आणि उत्तर बेटाच्या मध्ये कूकची सामुद्रधुनी आहे. दक्षिण बेटावर क्राइस्टचर्च, ड्युनेडिन, नेल्सन ही मोठी शहरे आहेत.