भेंडी

विकिपीडिया, मुक्‍त ज्ञानकोशातून
भेंड्या
भेंडी चपाती सोबत

भेंडी (इंग्रजी नावे: Okra, okro, ladies' fingers व ochro) ही एक फळभाजी आहे. ही भाजी भारतात जवळजवळ वर्षभर बाजारात उपलब्ध असते. भेंडीच्‍या फळात कॅल्शियमआयोडिन ही मूलद्रव्‍ये आणि क जीवनसत्त्व भरपूर प्रमाणात असते.

लागवड[संपादन]

महाराष्‍ट्रामध्ये भेंडीचे पीक हलक्‍या मध्‍यम तसेच भारी जमिनीत घेता येते,परंतु जमीन पाण्‍याचा चांगला निचरा होणारी असावी. भेंडीचे पीक वर्षभर घेतले जात असले तरी खरीप व उन्‍हाळी हंगामात पीक चांगले येते. पिकास २० ते ४० सेल्सियस तापमान चांगले मानवते. पाण्‍याची कमतरता असताना इतर भाज्‍यांपेक्षा भेंडीचे पीक चांगले येते. उन्‍हाळयात भाज्‍यांची चणचण असताना तर भेंडीला बाजारात फारच मागणी असते. महाराष्‍ट्रामध्‍ये भेंडीखाली ८१९० हेक्‍टर क्षेत्र लागवडीखाली आहे. भेंडीचे पिक हे वर्षभर घेतले जाते.

भेंडी लागवड खरीप (जूनजुलै) आणि उन्हाळी (जानेवारीफेब्रुवारी) हंगामात करतात. कोकण विभागात भेंडीची लागवड रब्बी हंगामात करता येते. निर्यातीसाठी सतत पुरवठा करण्याकरिता पीक टप्प्या टप्प्यात १५ – २० दिवसाच्या अंतराने पेरावे. भेंडी हे भाजीपाला पीक मूळचे दक्षिण आफ्रिकेतील किंवा आशिया खंडातील मानले जाते. भेंडीची लागवड वर्षभर केली जाऊ शकते. अधिक उत्पादनासाठी खरीप व उन्हाळी हंगामात भेंडीची लागवड करणे फायद्याचे ठरते. भेंडीमध्ये विविध जीवनसत्त्वे, लोह तसेच खनिजे मुबलक प्रमाणात उपलब्ध असतात. भेंडीच्या झाडाचा वापर कागद तयार करण्यासाठी केला जातो. या अशा विविध कारणांमुळे मागणी असलेल्या भेंडीची लागवड करणे शेतकरी बांधवांसाठी फायद्याचे ठरू शकते.[१]

वापर[संपादन]

भेंडीची भाजी सहज उपलब्ध होत असल्याने ती भारतात सर्वत्र खाल्ली जाते. भेंडीची भाजी चिकट आणि बुळबुळीत असली तरी ती चविष्ट व पोषक असते. भेंडीच्या भाजीचे भेंडी फ्राय, भेंडी मसाला असे वेगवेगळे प्रकार करून खाल्ले जातात. कोवळी भेंडी कच्ची खाणेही आरोग्यासाठी चांगले असते.[२] भेंडीच्या जून दाण्यांचीसुद्धा उसळ केली जाते.

फायदे[संपादन]

  • भेंडी सेवन केल्याने कॅन्सर होत नाही
  • भेंडी हृदयाला देखील स्वस्थ ठेवते
  • मधुमेह होण्याची शक्यता नसते
  • भेंडी ॲनिमियामध्ये फारच लाभदायक असते
  • पोटफुगी, बद्धकोष्ट, पोट दुखणे आणि गॅससारख्या समस्या होत नाहीत.
  • हाडे मजबूत होतात
  • वजन घटण्यास मदत होते
  • रोगप्रतिकारक शक्ती वाढवते
  • मेंदूचे कार्य सुधारते
  • गरोदर स्त्रियांसाठी उत्तम

संदर्भ आणि नोंदी[संपादन]

  1. ^ "संग्रहित प्रत". Archived from the original on 2018-05-06. 2018-05-01 रोजी पाहिले.
  2. ^ "संग्रहित प्रत". Archived from the original on 2020-11-24. 2018-05-01 रोजी पाहिले.