पी. चिदंबरम

विकिपीडिया, मुक्‍त ज्ञानकोशातून


Broom icon.svg
या लेखाचे शुद्धलेखन किंवा/आणि मराठी व्याकरण मराठी विकिपीडियासाठी अनुकूल नाही. कृपया लेख तपासून शुद्धलेखन करावे. हा साचा अशुद्धलेखन किंवा/आणि मराठी व्याकरणविषयक चुका आढळल्यास वापरला जातो. या संबंधी अधिक चर्चा करायची असल्यास अथवा काही शंका/ प्रश्न असल्यास कृपया चर्चापान वापरावे.


पलनीअप्पन चिदंबरम (तामिळ: பழனியப்பன் சிதம்பரம்) (जन्म: सप्टेंबर १६, इ.स. १९४५) भारताच्या केंद्रीय मंत्रिमंडळाचे सदस्य आहेत.

शिक्षण[संपादन]

चिदंबरम यांनी त्यांचे शालेय शिक्षण चेन्नई येथील मद्रास क्रिस्चियन कॉलेज हायर सेकंडरी स्कूल मधून पूर्ण केले. त्यांनी चेन्नई मधील प्रेसिडेन्सी कॉलेज मधून संख्याशास्त्रात पदवी संपादन केली आणि त्यानंतर चेन्नईतीलच मद्रास लॉ कॉलेज मधून ते कायदा या विषयात पदवीधर झाले. अमेरिकेतील हावर्ड बीझनेस स्कूल मधून त्यांनी एम.बी.ए ही पदव्युत्तर पदवी संपादन केली.

राजकिय कारकिर्द[संपादन]

चिदंबरम इ.स. १९८४, इ.स. १९८९, इ.स. १९९१, इ.स. १९९६, इ.स. १९९८, इ.स. २००४ आणि इ.स. २००९ च्या लोकसभा निवडणुकीत तामिळनाडू राज्यातील शिवगंगा लोकसभा मतदारसंघातून लोकसभेवर निवडून गेले. ते इ.स. १९८४, इ.स. १९८९, इ.स. १९९१, इ.स. २००४ आणि इ.स. २००९ च्या निवडणुकीत काँग्रेस पक्षाचे उमेदवार म्हणून तर इ.स. १९९६ आणि इ.स. १९९८ च्या निवडणुकीत तामिळ मनिला काँग्रेस पक्षाचे उमेदवार म्हणून लोकसभेवर निवडून गेले.

ते राजीव गांधींच्या मंत्रीमंडळात उपमंत्री आणि राज्यमंत्री होते. इ.स. १९९१ मध्ये पी.व्ही. नरसिंह राव यांच्या मंत्रीमंडळात ते वाणिज्यमंत्री झाले. त्यांनी वाणिज्यमंत्रीपदाच्या कारकिर्दीत भारताच्या आयात-निर्यात धोरणात महत्त्वाचे बदल केले. भारताचे नवे आर्थिक धोरण बनविण्यात नरसिंह राव आणि अर्थमंत्री मनमोहन सिंह यांच्याबरोबरच चिदंबरम यांचाही वाटा महत्त्वाचा आहे.[१]

चिदंबरम इ.स. १९९६ ते इ.स. १९९८ दरम्यान देवेगौडा आणि गुजराल सरकारमध्ये अर्थमंत्री होते. त्यांनी इ.स. १९९७-इ.स. १९९८ साठीचा मांडलेला अर्थसंकल्प ’आदर्श अर्थसंकल्प’ म्हणून मानला जातो.[२] इ.स. १९९८ ते इ.स. २००४ अशी सहा वर्षे सरकारबाहेर राहिल्यानंतर चिदंबरम मनमोहन सिंह यांच्या मंत्रीमंडळात मे इ.स. २००४ मध्ये परत अर्थमंत्री झाले. ते त्या पदावर नोव्हेंबर ३०, इ.स. २००८ पर्यंत होते. नोव्हेंबर २६, इ.स. २००८ रोजी मुंबईवर दहशतवाद्यांनी केलेल्या भीषण हल्ल्यानंतर गृहमंत्री शिवराज पाटील यांनी राजीनामा दिला आणि भारताचे नवे गृहमंत्री म्हणून त्यांच्या जागी चिदंबरम यांची नियुक्ती झाली. तेव्हापासून चिदंबरम गृहमंत्री पदावरच आहेत.

संदर्भ[संपादन]

  1. [१]
  2. [२]