अभिनय

विकिपीडिया, मुक्‍त ज्ञानकोशातून

अभिनय हे अभिनेता(पुरूष) किंवा अभिनेत्री(स्त्री) चे काम असते. जी व्यक्ती सहसा नाटकात,चलचित्रात,दूरचित्रवाहिनीवरील कार्यक्रमात,किंवा पथनाट्यातून काम करून एखादी व्यक्तिरेखा साकार करत असते त्यास पात्र किंवा भूमिका असे म्हणतात ज्यास मुख्यत्वे करून लिहिलेले कथानक (पटकथा) सादर करावयाची असते व ते सादर करण्याच्या कामास अभिनय असे संबोधतात.अभिनय हा सहसा शारिरीक हालचाली,मौखिक हावभाव,बोलून,गाऊन किंवा मुक्याने शब्दोच्चार न करता देखील सादर करू शकतो.

शब्दार्थ आणि इतिहास[संपादन]

सर्वात पहिला अभिनेता म्हणून ईकरिआ (Icaria) येथील प्रचीन ग्रिक थेस्पीस (Thespis) याला ओळखले जाते. एका दंतकथेनुसार (पुर्वापार चालत आलेल्या गोष्टीनुसार) थेस्पीस काव्यत्मक निवेदनातून बाहेर यायचा व वेगळ्याच पात्राच्या माध्यमातून लोकांशी संवाद साधायचा. थेस्पीस अभिनय सुरू करण्यापूर्वी, निवेदक गोष्टीचे निवेदन करत असे (उदा. "डायोनिससने असे केले, डायोनिसस असे म्हणाला" इ.) निवेदनानंतर जेव्हा थेस्पीस लोकांसमोर येई तेव्हा तो जणू काही तेच पात्र आहे असे बोलत असे. ( उदा. " मी आहे डायोनिसस, मी हे केले" इ.). थेस्पीसच्या नावावरून थेस्पियस हा शब्द तयार झाला.

अभिनयासाठी तुमच्याकडे अनेक प्रकारची कौशल्ये असण्याची गरज असते. जसे की, आवाजाची फेक, स्पष्ट उच्चार, देहबोली, भावनीक आरेखन, उत्कृष्ठ कल्पनाशक्ती, आणि नाट्य (नाट्य स्वरूपात कल्पना) सादर करण्याची क्षमता. अभिनय क्षेत्रात याशिवायही भाषेवरील प्रभुत्व, उच्चार आणि देहबोली, सादरीकरण (सादरीकरणाची क्षमता), निरिक्षण आणि नकला करण्याची क्षमता, मुकाभिनय, आणि रंगमंचाची भूक (अभिनयाची भूक) इत्यादी गोष्टींची आवशक्यता असते. अनेक अभिनेते, या प्रकारची कौशल्ये विकसीत करायाला शिकविणा-या खास कार्यशाळेतून, किंवा महाविद्यालयातून तयार झालेले असतात.

व्यावसायिक अभिनेते[संपादन]

संदर्भदूवे[संपादन]

^ Csapo and Slater (1994, 257); hypokrisis, which literally means "acting," was the word used in discussions of rhetorical delivery.

स्रोत[संपादन]