नकुल

हा लेख महाभारतातील व्यक्तिरेखा नकुल याबद्दल आहे. या शब्दाच्या इतर उपयोगांसाठी पाहा, नकुल(निःसंदिग्धीकरण).

सिंहासनस्थ युधिष्ठिर व द्रौपदी यांच्याभोवती जमलेले अन्य पांडव; मागे उभे असलेले नकुल व सहदेव

नकुल महाभारतातील पाच पांडवांपैकी एक होता. नकुल आणि सहदेव हे राजा पंडूस अश्विनिदेवांच्या कॄपेने माद्रीपासून झालेले जुळे पुत्र होते. पंडूला कुंतीपासून झालेले युधिष्ठिर, भीम व अर्जुन हे पुत्र यांची सावत्र भावंडे होती. महाभारतातील संदर्भांनुसार नकुल हा दिसायला अतिशय राजबिंडा होता. अश्वपालनात व तलवारयुद्धात त्याने प्रावीण्य मिळवले होते.