बुलबुल

बुलबुल पक्षी वल्गुवदाद्य (Pycnonotidae, पिक्नोनोटिडी) कुळातील पक्षी आहेत.

वर्णन

बुलबुल पक्षी मध्यम आकाराचे, थव्याने राहणारे, गोंगाट करणारे, मुख्यत्वे फिक्या रंगांचे, लांब, मऊ आणि हलक्या पिसांचे आहेत. या पक्ष्यांची चोच लहान ते मध्यम आकाराची आणि थोडी बाकदार असते. यांचे पाय लहान आणि तुलनेने अशक्त असतात, पंख लहान आणि गोल असतात आणि त्या मानाने यांचे शेपूट लांब असते. यांच्या मानेच्या मागील बाजुस केसांसारखी विकसीत पिसे असतात. बुलबुल नर आणि मादी बहुदा दिसायला सारखेच असतात. बुलबुल जोमदार आवाजात गाणारे म्हणून ओळखले जातात आणि म्हणून मोठ्या प्रमाणात पाळले जातात.

आवाज

लाल बुडाचा बुलबुल चा आवाज

वस्तव्य

बुलबुल पक्षी मुख्यत्वे आफ्रिका आणि आशिया खंडात आढळतात.

खाद्य

फळे, कीटक, मध हे बुलबुल पक्ष्यांचे मुख्य खाद्य आहे.

घरटे

बुलबुल आपले घरटे छोट्या डहाळ्यांनी आणि पानांनी बनवतात. सहसा या पक्ष्यांचे घरटे द्रोणाच्या आकाराचे एखाद्या झुडपात किंवा बांबूच्या रांजीत दडविलेले असते. बुलबुल माद्या एकावेळी २ ते ५ अंडी देतात. बहुतेक सर्व जातीत अंडी उबविणे, पिलांचे संगोपन, त्यांना खाऊ घालणे वगैरे कामे नर-मादी मिळून करतात.

चित्रदालन

• 
  लाल बुडाचा बुलबुल
• 
  शिपाई बुलबुल
• 
  काळ्या शेंडीचा बुलबुल
• 
  पांढऱ्या भुवईचा बुलबुल

संदर्भ

• प्राणिसृष्टी भाग दुसरा, ले. डॉ. म. वि. आपटे, महाराष्ट्र राज्य साहित्य आणि संस्कृती मंडळ, १९६४
• पक्षिकोश, ले. मारुती चितमपल्ली, साहित्य प्रसार केंद्र, नागपूर, मार्च २००२
• दक्षिण भारतातील पक्षी, रिचर्ड ग्रिमेट, टिम इनस्किप, प्रशांत महाजन, बीएनएचएस फिल्ड गाइड्स, २००५
• The Book of Indian Birds, Salim Ali, Oxford University Press
• A Pictorial Guide to the Birds of the Indian Subcontinent, Salim Ali & S. Dillon Ripley, Oxford University Press
• Pocket Guide to the Birds of the Indian Subcontinent, Richard Grimmett, Carol Inskipp, Tim Inskipp, 2010