मार्च २८

मार्च २८ हा ग्रेगरी दिनदर्शिकेनुसार वर्षातील ८७ वा किंवा लीप वर्षात ८८ वा दिवस असतो.

ठळक घटना आणि घडामोडी

नववे शतक

• ८४५ - व्हायकिंग सरदार राग्नार लोडब्रोकने पॅरिस शहर लुटले.

अठरावे शतक

• १७७६ - हुआन बॉतिस्ता दि आन्झाने सान फ्रांसिस्कोचा किल्ला बांधायला सुरुवात केली.

एकोणिसावे शतक

• १८५४ - क्रिमियन युद्ध - फ्रांसने रशियाविरुद्ध युद्ध पुकारले.
• १८६२ - अमेरिकन गृहयुद्ध-ग्लोरियेटा पासची लढाई - उत्तरेच्या सैन्याने दक्षिणेचे न्यू मेक्सिकोवरील आक्रमण रोखले.

विसावे शतक

• १९३० - तुर्कस्तानमधील कॉँस्टेन्टिनोपल व अंगोरा शहरांनी आपली नावे बदलून अनुक्रमे इस्तंबूल व अंकारा अशी ठेवली.
• १९३९ - स्पॅनिश गृहयुद्ध - जनरलास्सिमो फ्रांसिस्को फ्रँकोनो माद्रिद शहर जिंकले.
• १९४१ - दुसरे महायुद्ध-केप माटापानची लढाई - अँड्रु ब्राउन कनिंगहॅमच्या नेतृत्त्वाखाली रॉयल नेव्हीने तीन इटालियन युद्धनौका व दोन विनाशिकांचा धुव्वा उडवला.
• १९७९ - अमेरिकेच्या पेनसिल्व्हेनिया राज्यातील थ्री माइल आयलंड अणुशक्ती केंद्रातील शीतक बंद पडला व त्यामुळे किरणोत्सर्गी पाणी वाफरुपे हवेतून पसरले.
• १९७९ - युनायटेड किंग्डमच्या पंतप्रधान जेम्स कॅलाहानविरुद्ध अविश्वासाचा ठराव एका मताने मान्य झाल्यावर सरकार कोसळले व संसद विसर्जित केली गेली.
• १९९२ - भारतीय उद्योगाचे अध्वर्यू जे. आर. डी. टाटा यांना भारतरत्न हा सर्वोच्च भारतीय सन्मान तत्कालीन राष्ट्रपती आर. व्यंकटरमण यांच्या हस्ते प्रदान करण्यात आला.
• १९९८ - सी-डॅक ने पूर्णपणे स्वदेशी बनावटीचा परम १०००० हा महासंगणक देशाला अर्पण केला.

एकविसावे शतक

• २००५ - सुमात्रा बेटावर रिश्टर मापनपद्धतीनुसार ८.७ तीव्रतेचा भूकंप.
• २००६ - फ्रांसमधील नवीन कामगार कायद्याविरुद्ध १०,००,००पेक्षा अधिक युनियन सदस्यांचे अनेक शहरात मोर्चे.

जन्म

• १६०९ - फ्रेडरिक तिसरा, डेन्मार्कचा राजा.
• १८५१ - बर्नार्दिनो माचादो, पोर्तुगालचा राष्ट्राध्यक्ष.
• १८६८ - मॅक्झिम गॉर्की, रशियन लेखक.
• १८९२ - कार्नेली हेमन्स, फ्रेंच-बेल्जियन शरीरशास्त्रज्ञ आणि नोबेल पुरस्कार विजेता.
• १९१० - इंग्रीड, डेन्मार्कची राणी.
• १९३० - जेरोम फ्रीडमन, अमेरिकन भौतिकशास्त्रज्ञ.
• १९४६ - अलेहांद्रो तोलेदो, पेरूचा राष्ट्राध्यक्ष.
• १९५३ - मेल्चियोर न्डाडाये, बुरुंडीचा राष्ट्राध्यक्ष.
• १९६० - होजे मरिया नीव्ह्स, केप व्हर्देचा पंतप्रधान.
• १९६८ - नासिर हुसेन, इंग्लिश क्रिकेट खेळाडू.

मृत्यू

• १९३ - पर्टिनॅक्स, रोमन सम्राट.
• १२३९ - गो-तोबा, जपानी सम्राट.
• १२८५ - पोप मार्टिन चौथा.
• १९४१ - व्हर्जिनिया वूल्फ, इंग्लिश लेखिका.
• १९४२ - मिगेल हर्नान्देझ, स्पॅनिश कवी.
• १९६९ - ड्वाइट डी. आयझेनहॉवर, अमेरिकेचा ३४वा राष्ट्राध्यक्ष.
• १९९२ - आचार्य आनंद ऋषीजी, स्थानकवासी जैन धर्मगुरू.
• १९९७ - श्रीमती पुपुल जयकर, सामाजिक कार्यकर्ता, भारतीय कला आणि संस्कृतीच्या पुरस्कर्त्या
• २००० - शांताराम द्वारकानाथ देशमुख उर्फ राम द्वारकानाथ देशमुख, नामवंत अर्थतज्ञ आणि लेखक.
• २००६ - पीटर उस्तिनोव, ब्रिटीश अभिनेता.

प्रतिवार्षिक पालन

• शिक्षक दिन - चेक प्रजासत्ताक, स्लोव्हेकिया.

मार्च २६ - मार्च २७ - मार्च २८ - मार्च २९ - मार्च ३० - (मार्च महिना)