द आर्ट सोसायटी ऑफ इंडिया (मुंबई)

'द आर्ट सोसायटी ऑफ इंडिया' (स्थापना- ७ एप्रिल १९१८) ही संस्था मुंबई येथे कार्यरत आहे. ही संस्था चित्रकला, शिल्पकला इ. कलांशी निगडीत आहे.

स्थापनेची प्रेरणा

भारतातील इंग्रजी राजवटीच्या काळात त्यांनी देशात अनेक ठिकाणी कलासंस्था स्थापन केल्या. मात्र त्या संस्थांवर इंग्रजाचेच प्राबल्य होते. याबाबत त्याकाळात कार्यरत असणाऱ्या मुंबईतील काही भारतीय चित्र-शिल्पकारांच्या मनात तीव्र नाराजी होती. यावर उपाय म्हणून हे तत्कालीन कलावंत एकत्र आले आणि त्यांनी 'द आर्ट सोसायटी ऑफ इंडिया' या संस्थेची स्थापना केली.

संस्थापक

या संस्थेच्या स्थापनेत प्रामुख्याने सहभाग होता तो, थोर चित्रकार सा.ल.हळदणकर, एल.एस.मिरगे, जे.पी.फर्नांडिस, एम.के.परांडेकर तसेच शिल्पकार बाळाजी तालीम. स्थापनेनंतर या प्रयत्नांना चित्र-शिल्पकारांना उत्तम प्रतिसाद मिळाल्याने संस्था अखंडपणे कार्यरत राहिली आहे.