"माधुरी दीक्षित" च्या विविध आवृत्यांमधील फरक
छो →Filmography: clean up, replaced: Shahrukh → शाहरूख (6), Ashok → अशोक, Kumar → कुमार (10), Jackie Shroff → जॅकी श्रॉफ (7), Alok → आलोक, Nath → नाथ using AWB |
No edit summary |
||
ओळ २५९: | ओळ २५९: | ||
[[वर्ग:हिंदी चित्रपट अभिनेते]] |
[[वर्ग:हिंदी चित्रपट अभिनेते]] |
||
[[वर्ग:हिंदी चित्रपट अभिनेत्री]] |
[[वर्ग:हिंदी चित्रपट अभिनेत्री]] |
||
[[वर्ग:मराठी अभिनेत्री]] |
१५:५९, २८ जुलै २०१३ ची आवृत्ती
माधुरी दीक्षित | |
---|---|
माधुरी दीक्षित-नेने | |
जन्म |
माधुरी श्रीराम नेने माधुरी शंकर दीक्षित(पूर्वाश्रमीचे) मे १५, इ.स. १९६७ मुंबई, महाराष्ट्र, भारत |
राष्ट्रीयत्व | भारतीय |
कार्यक्षेत्र | चित्रपट |
भाषा |
हिंदी (चित्रपट) मराठी (मातृभाषा) |
प्रमुख चित्रपट | दिल, बेटा, हम आपके है कौन?, दिल तो पागल है, देवदास |
पुरस्कार | फिल्मफेअर पुरस्कार (इ.स. १९९०, इ.स. १९९२, इ.स. १९९४, इ.स. १९९७, इ.स. २००२) |
पती | डॉ. श्रीराम माधव नेने |
माधुरी दीक्षित (मे १५, इ.स. १९६७ - हयात) ही हिंदी चित्रपटसृष्टीतील मराठी अभिनेत्री आहे. माधुरीने इ.स. १९८० च्या दशकाची शेवटची काही वर्षे आणि इ.स. १९९० च्या दशकात हिंदी चित्रपटांतील एक नावाजलेली अभिनेत्री आणि नृत्यांगना म्हणून आपले स्थान पक्के केले. व्यावसायिक दृष्ट्या यशस्वी ठरलेल्या बऱ्याच चित्रपटांत तिने काम केले. त्यात तिच्या अभिनयाची व नृत्यकौशल्याची खूप वाहवा झाली. इ.स. २००८ मध्ये भारत सरकारतर्फे तिला भारताचा चौथा महत्त्वाचा नागरी सन्मान पद्मश्री पुरस्कार देऊन गौरवण्यात आले.
आरंभीचे आयुष्य
माधुरी दीक्षित हिचा जन्म मुंबईमध्ये शंकर आणि स्नेहलता दीक्षित या मराठी मातापित्यांच्या घरी झाला. माधुरीने डिव्हाइन चाइल्ड हायस्कूल शाळेमध्ये आपले प्राथमिक शिक्षण घेतले. नंतर मुंबई विद्यापीठात प्रवेश घेतल्यावर सूक्ष्मजीवतज्ज्ञ होण्याचा तिचा मानस होता. ती तरबेज कथक नृत्यांगना आहे. तिने सुमारे ८ वर्षे नृत्याचे शिक्षण घेतले होते.
चित्रपट कारकीर्द
माधुरीने इ.स. १९८४ साली "अबोध" या चित्रपटाद्वारे हिंदी चित्रपटसृष्टीत पदार्पण केले. "दयावान" आणि "वर्दी" यांसारख्या चित्रपटांमध्ये दुय्यम भूमिका केल्यावर तिला तिचा पहिला मोठा चित्रपट तेजाब इ.स. १९८८ साली मिळाला. त्यात तिची प्रमुख भूमिका होती. ह्या चित्रपटाद्वारे तिला बरीच प्रसिद्धी मिळाली; तसेच तिला तिचे पहिले फिल्मफेअर पुरस्कारांचे नामांकनदेखील मिळाले. त्यानंतर तिने बऱ्याच हिट चित्रपटांमध्ये कामे केली. "राम लखन" (इ.स. १९८९), "परिंदा" (इ.स. १९८९), "त्रिदेव" (इ.स. १९८९), "किशन कन्हय्या" (इ.स. १९९०) आणि "प्रहार" (इ.स. १९९१), हे तिचे या काळातील प्रमुख चित्रपट होते. यापैकी बऱ्याच चित्रपटांत अनिल कपूर तिचा सहकलाकार होता.
इ.स. १९९० मध्ये तिने इंद्रकुमार याच्या दिल चित्रपटात आमिर खान याच्या नायिकेची भूमिका साकारली. त्या वर्षी हा चित्रपट तिकीटखिडकीवरचा सर्वांत यशस्वी चित्रपट ठरला. या चित्रपटातील अभिनयासाठी माधुरीला तिचा पहिला फिल्मफेअर पुरस्कार मिळाला. दिल चित्रपटाच्या यशानंतर माधुरीच्या हिट चित्रपटांची जणू काही मालिकाच सुरू झाली. "साजन" (इ.स. १९९१), "बेटा" (इ.स. १९९२),"खलनायक" (इ.स. १९९३), "हम आप के है कौन" (इ.स. १९९४), " राजा" (इ.स. १९९५) असे अनेक लोकप्रिय चित्रपट तिने दिले. बेटा चित्रपटामधील अभिनयासाठी तिला तिचा दुसरा फिल्मफेअर पुरस्कार मिळाला.
"हम आप के है कौन" या चित्रपटाने तर विक्रमी उत्पन्न कमवीत हिंदी चित्रपटसृष्टीच्या इतिहासात सर्वाधिक कमाई करण्याचा उच्चांक गाठला. या चित्रपटाने भारतात ६५ कोटीं रुपयांहून अधिक, तर परदेशांत १५ कोटी रुपयांची कमाई केली. या चित्रपटातील अभिनयाने तिला तिचा तिसरा फिल्मफेअर पुरस्कार मिळवून दिला. तसेच त्याच वर्षी आलेल्या "अंजाम" या सिनेमातील तिच्या भूमिकेसाठीही तिला पुरस्कारासाठी नामांकन मिळाले होते. "अंजाम" चित्रपटामधील अभिनयाबद्दल समीक्षकांकडून तिला प्रशंसा लाभली.
इ.स. १९९६ या थोड्याशा अयशस्वी वर्षानंतर माधुरी यश चोप्रांच्या इ.स. १९९७ च्या "दिल तो पागल है" या चित्रपटात "पूजा" ही व्यक्तिरेखा साकारताना दिसली. या चित्रपटाने व्यावसायिक यशासोबतच समीक्षकांची प्रशस्तीही मिळवली. याच वर्षी प्रकाश झा यांच्या "मृत्युदंड" या चित्रपटातही तिने अभिनय केला. या चित्रपटाने जिनीव्हा तसेच बँकॉक येथील चित्रपट महोत्सवांमध्ये सर्वोत्कृष्ट चित्रपटाचे पारितोषिक पटकावले.
माधुरी ही गुणी अभिनेत्री तर आहेच, शिवाय एक चांगली नर्तकी म्हणूनदेखील प्रसिद्ध आहे. एक दो तीन (तेजाब), हम को आज कल है (सैलाब), बडा दुख दिन्हा (राम लखन), धक धक (बेटा), चने के खेतमे (अंजाम), दीदी तेरा देवर दीवाना (हम आपके है कौन ), चोली के पीछे (खलनायक ), अखिया मिलाऊ (राजा), मेरा पिया घर आया (याराना), के सेरा सेरा (पुकार), मार डाला (देवदास) या गाण्यांमधील तिने केलेल्या नृत्यांची प्रशंसा झाली.
व्यक्तिगत आयुष्य
१७ ऑक्टोबर, इ.स. १९९९ रोजी माधुरी दीक्षित डॉ. श्रीराम माधव नेने यांच्याशी विवाहबद्ध झाली. डॉ. नेने हे हृदयविकार तज्ज्ञ आहेत. जवळ जवळ १२ वर्षे अमेरिकेमध्ये राहिल्यानंतर माधुरी आपल्या कुटुंबासमवेत ऑक्टो. २०११मध्ये मुंबई मध्ये परत आली.[१]
पुरस्कार
मिळालेले फिल्म फेअर पुरस्कार
- १९९१: फिल्म फेअर पुरस्कार - उत्कृष्ट अभिनेत्री - चित्रपट दिल
- १९९३: फिल्म फेअर पुरस्कार - उत्कृष्ट अभिनेत्री - चित्रपट बेटा
- १९९५: फिल्म फेअर पुरस्कार - उत्कृष्ट अभिनेत्री - चित्रपट हम आपके है कौन...!
- १९९८: फिल्म फेअर पुरस्कार - उत्कृष्ट अभिनेत्री - चित्रपट दिल तो पागल है
- २००३: Filmfare Best Supporting Actress Award for 'देवदास
- २०११: Filmfare Special Award for completing 25 years in the Indian film industry
मिळालेली नामांकने
- १९८९: फिल्म फेअर पुरस्कार - उत्कृष्ट अभिनेत्री - चित्रपट तेजाब
- १९९०: फिल्म फेअर पुरस्कार - उत्कृष्ट अभिनेत्री - चित्रपट प्रेमप्रतिज्ञा
- १९९२: फिल्म फेअर पुरस्कार - उत्कृष्ट अभिनेत्री - चित्रपट साजन
- १९९४: फिल्म फेअर पुरस्कार - उत्कृष्ट अभिनेत्री - चित्रपट खलनायक
- १९९५: फिल्म फेअर पुरस्कार - उत्कृष्ट अभिनेत्री - चित्रपट अंजाम
- १९९६: फिल्म फेअर पुरस्कार - उत्कृष्ट अभिनेत्री - चित्रपट राजा
- १९९६: फिल्म फेअर पुरस्कार - उत्कृष्ट अभिनेत्री - चित्रपट याराना
- २००१: फिल्म फेअर पुरस्कार - उत्कृष्ट अभिनेत्री - चित्रपट पुकार
- २००२: फिल्म फेअर पुरस्कार - उत्कृष्ट अभिनेत्री - चित्रपट लज्जा
- २००८: फिल्म फेअर पुरस्कार - उत्कृष्ट अभिनेत्री- चित्रपट आजा नच ले
मिळालेले स्टार स्क्रीन पुरस्कार
- १९९४: स्टार स्क्रीन पुरस्कार - उत्कृष्ट अभिनेत्री - चित्रपट हम आपके हैं कौन
- १९९५: स्टार स्क्रीन पुरस्कार - उत्कृष्ट अभिनेत्री - चित्रपट राजा
- १९९७: स्टार स्क्रीन पुरस्कार - उत्कृष्ट अभिनेत्री - चित्रपट मृत्य़ुदंड
- २००२: देवदास मधील भूमिकेसाठी स्टार स्क्रीनकडून उत्कृष्ट सहकलाकारासाठीचे पारितोषिक
मिळालेली नामांकने
- २०००: स्टार स्क्रीन पुरस्कार - उत्कृष्ट अभिनेत्री - चित्रपट पुकार
मिळालेले झी सिने पुरस्कार
- १९९८: झी सीने पुरस्कार - उत्कृष्ट अभिनेत्री - चित्रपट दिल तोपागल हैi
- २००२: झी सिने उत्कृष्ट स्त्री सहकलाकार पुरस्कार - चित्रपट लज्जा
मिळालेली नामांकने
- २०००: झी सीने पुरस्कार - उत्कृष्ट अभिनेत्री - चित्रपट पुकार
- २००३: झी सीने पुरस्कार - उत्कृष्ट अभिनेत्री - चित्रपट देवदास'
आयफा पुरस्कार
नामांकने
- २००१: आयफा पुरस्कार - उत्कृष्ठ अभिनेत्री - चित्रपट पुकार
- २००३: आयफा पुरस्कार - उत्कृष्ठ अभिनेत्री - चित्रपट देवदास
स्टारडस्ट पुरस्कार
नामांकन
- २००८: स्टारडस्ट स्टार ऑफ दी इयर - चित्रपट आजा नचले
सन्मान आणि पुरस्कार
- १९९७: आंध्र प्रदेश सरकारने कलाभिनेत्री" पुरस्कार दिला.[२]
- २००१: राष्ट्रीय नागरीक पुरस्कार
- २००१: फोर्ब्स ने माधुरी दीक्षितला हिंदी चित्रपटसृष्टीतील शिखरावरील ५ ताकदवर लोकांत स्थान दिले[३]
- २००८: पद्मश्री पुरस्कार,[४]
- २००८: भारतीय चित्रपट उत्सव, लॉस एंजल्स येथे सत्कार[५]
- २०११: पर्ल्स वेव पुरस्कार - "वेव सिल्वर क्वीन सन्मान"
- २०११: HindiFilmNews.Com ने घेतलेल्या मतदानात माधुरी दीक्षित हिंदी चित्रपटसृष्टीतील सर्वात आकर्षक नटी ठरली[६]
Filmography
संदर्भ
- ^ (इंग्रजी भाषेत) http://www.hindustantimes.com/Finally-Madhuri-Dixit-is-back-in-India/Article1-754969.aspx. १० ऑक्टोबर २०११ रोजी पाहिले. Missing or empty
|title=
(सहाय्य) - ^ (इंग्रजी भाषेत) http://www.expressindia.com/news/ie/daily/19971124/32850403.html. ४ जानेवारी २००९ रोजी पाहिले. Missing or empty
|title=
(सहाय्य) - ^ (इंग्रजी भाषेत) http://www.forbes.com/2001/03/09/0309bollywood.html. ३ नोव्हेंबर २०१२ रोजी पाहिले. Missing or empty
|title=
(सहाय्य) - ^ http://india.gov.in/myindia/padmashri_awards_list1.php?start=357. २ नोव्हेंबर २०१२ रोजी पाहिले. Missing or empty
|title=
(सहाय्य) - ^ http://www.indianfilmfestival.org/movies08/tribute2008-madhuridixit.html. ४ जानेवारी २००९ रोजी पाहिले. Missing or empty
|title=
(सहाय्य)[मृत दुवा] - ^ (इंग्रजी भाषेत) http://hindifilmnews.com/polls-2/poll-6-the-most-desirable-bollywood-actress/. Missing or empty
|title=
(सहाय्य)
बाह्य दुवे
- इंटरनेट मूव्ही डेटाबेस वरील माधुरी दीक्षित चे पान (इंग्लिश मजकूर)
हा लेख/विभाग स्वत:च्या शब्दात विस्तार करण्यास मदत करा. |