पांडुरंगाष्टकम्

विकिपीडिया, मुक्‍त ज्ञानकोशातून
(Pandurangashtakam या पानावरून पुनर्निर्देशित)
Jump to navigation Jump to search

पांडुरंगाष्टकम् हे आदी शंकराचार्यांनी रचलेले पांडुरंगाची स्तुती करणारे संस्कृत स्तोत्र आहे. यात आठ कडवी असून नववे कडवे फलश्रुतिपर आहे.

स्तोत्र असे आहे :

महायोगपीठे तटे भीमरथ्या वरं पुंडरीकाय दातुं मुनीन्द्रै ।

समागत्य तिष्टंतमानंदकंदं परब्रह्मलिंगं भजे पांडुरंगम्‌ ॥ १ ॥


तडीद्वाससं नीलमेघावभासंरमामंदिरं सुंदरं चित्प्रकाशम्‌ ।

वरं त्विष्टिकायां समन्यस्तपादंपरब्रह्मलिंगं भजे पांडुरंगम्‌ ॥ २ ॥


प्रमाणं भवाब्धेरिदं मामकानांनितंबः कराभ्यां धृतो येन तस्मात ।

विधातुर्वसत्यै धृतो नाभिकोशः परब्रह्मलिंगं भजे पांडुरंगम्‌ ॥ ३ ॥


स्फुरत्कौस्तुभालंकृतं कंठदेशे श्रिया जुष्टकेयूरकं श्रीनिवासम्‌ ।

शिवं शान्तमीड्यं वरं लोकपालंपरब्रह्मलिंगं भजे पांडुरंगम्‌ ॥ ४ ॥


शरच्चंद्रबिंबाननं चारुहासंलसत्कुंडलक्रान्तगंडस्थलांगम्‌ ।

जपारागबिंबाधरं कंजनेत्रम्‌ परब्रह्मलिंगं भजे पांडुरंगम्‌ ॥ ५ ॥


किरिटोज्ज्वलत्सर्वदिक्‌ प्रान्तभागं सुरैरर्चितं दिव्यरत्नैरनर्घ्यैः ।

त्रिभंगाकृतिं बर्हमाल्यावतंसं परब्रह्मलिंगं भजे पांडुरंगम्‌ ॥ ६ ॥


विभुं वेणुनादं चरन्तं दुरन्तं स्वयं लीलया गोपवेषं दधानम्‌ ।

गवां वृन्दकानन्दनं चारुहासं परब्रह्मलिंगं भजे पांडुरंगम्‌ ॥ ७ ॥


अजं रुक्मिणीप्राणसंजीवनं तं परं धाम कैवल्यमेकं तुरीयम्‌ ।

प्रसन्नं प्रपन्नार्तिहं देवदेवं परब्रह्मलिंगं भजे पांडुरंगम्‌ ॥ ८ ॥


स्तवं पांडुरंगस्य वै पुण्यदं येपठन्त्येकचित्तेन भक्त्या च नित्यम्‌ ।

भवांभोनिधिं तेऽपि तीर्त्वाऽन्तकालेहरेरालयं शाश्वतं प्राप्नुवन्ति ॥ ९ ॥

हे सुद्धा पहा[संपादन]