पॅलेस ऑन व्हील्स

विकिपीडिया, मुक्‍त ज्ञानकोशातून
(Palace on wheels या पानावरून पुनर्निर्देशित)
Jump to navigation Jump to search


Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.

पॅलेस ऑन व्हील्स ही राजस्थानात धावणारी भारतीय रेल्वेची रेल्वेगाडी आहे. पर्यटनवृद्धीकरता सुरू केलेली ही आलिशान रेल्वेगाडी राजस्थानातील विविध पर्यटनस्थळांना भेट देत प्रवास करते. भारतीय रेल्वेच्या ताफ्यातील चार आलिशान रेल्वेगाड्यांपैकी ही एक आहे.

मार्ग[संपादन]

ही रेल्वेगाडी नवी दिल्लीहून सुटते. आठ दिवसांच्या प्रवासात ती जयपूर, जैसलमेर, जोधपूर, सवाई माधोपूर, चित्तोडगढ, उदयपूर, भरतपूर, फतेहपूर सिक्री, आग्रा या पर्यटनस्थळांवर थांबे घेते. हवा महल, रणथंबोर राष्ट्रीय उद्यान, जग निवास, जग मंदिर, केवलदेव राष्ट्रीय उद्यानताजमहाल ही या प्रवासातील खास आकर्षणे आहेत.

सेवासुविधा[संपादन]

'पॅलेस ऑन व्हील्स' मध्ये राजपूत संस्थानीपद्धतीची राजेशाही अंतर्गत सजावट असलेली १४ स्वतंत्र सलुने असून प्रत्येक सलूनमध्ये विश्रामकक्ष व पाकगृह आहे. सर्व सलुने वातानुकूलित असून इंटरकॉम, म्युझिक सिस्टम, उंची फर्निचर, पलंग अश्या सुविधांनी सज्ज आहेत. गाडीत राजस्थानी, भारतीय, चायनीज, काँटिनेंटल खाद्यपदार्थ देणारी दोन रेस्टॉरंटे, तसेच बार व प्रत्येक डब्याकरता छोटेखानी ग्रंथालयेदेखील आहेत.

प्रारंभी ही गाडी केवळ परदेशी पर्यटकांकरता मर्यादित होती. मात्र कालांतराने ती भारतीय पर्यटकांनाही खुली करण्यात आली. मात्र, गाडीचे भाडे अमेरिकन डॉलरमध्ये सांगितले जाते. भारतीय पर्यटकांनादेखील अमेरिकन डॉलरच्या त्या-त्या वेळच्या रुपयाच्या विनिमय दरानुसार भाडे भरावे लागते.

बाह्य दुवे[संपादन]