हृता दुर्गुळे

हृता दुर्गुळे
जन्म	हृता दिलीप दुर्गुळे १२ सप्टेंबर, १९९३ (1993-09-12) रत्नागिरी, महाराष्ट्र
राष्ट्रीयत्व	भारतीय
कार्यक्षेत्र	अभिनय
कारकीर्दीचा काळ	२०१२ - चालू
भाषा	मराठी
प्रमुख नाटके	दादा एक गुड न्यूझ आहे
प्रमुख दूरचित्रवाणी कार्यक्रम	फुलपाखरू, मन उडु उडु झालं
वडील	दिलीप दुर्गुळे
पती	प्रतीक शाह (ल. २०२२)

हृता दुर्गुळे (१२ सप्टेंबर १९९३ -) ही एक मराठी अभिनेत्री आहे. हृता फुलपाखरू मालिकेमुळे प्रसिद्धीच्या झोतात आली. तिने स्टार प्रवाहच्या दुर्वा (२०१३) मधून दूरचित्रवाणीमध्ये पदार्पण केले. तिने अनन्या मराठी चित्रपटातून मोठ्या पडद्यावर पदार्पण केले. झी युवाच्या फुलपाखरूमधील तिच्या वैदेहीच्या भूमिकेमुळे ती प्रसिद्ध झाली. २०२१ मध्ये तिने सोनी मराठीचा सिंगिंग वास्तव प्रदर्षणी सिंगिंग स्टार कार्यक्रमाचे संचालन केले होते. तिने झी मराठीवरील मन उडु उडु झालं या मालिकेत दीपिका देशपांडेची मुख्य भूमिका साकारली आहे.

प्रारंभिक जीवन

हृताचा जन्म १२ सप्टेंबर १९९३ रोजी झाला. ती मूळची रत्‍नागिरीची आहे पण ती मुंबईत लहानाची मोठी झाली आणि तिने रामनारायण रुईया कॉलेज, माटुंगा, मुंबई येथून शिक्षण पूर्ण केले. सध्या ती ठाण्यात राहते.

वैयक्तिक जीवन

हृताने दूरचित्रवाहिनी आणि चित्रपट दिग्दर्शक तथा तिचा मित्र असलेल्या प्रतीक शाहसोबत लग्न केले.

कारकीर्द

हृता हिने स्टार प्रवाह वाहिनीवरील दुर्वा या मालिकेतून सिनेसृष्टीत पदार्पण केले. २०१७ साली हृताने फुलपाखरू मालिकेतून आपली ओळख निर्माण केली. ती आता 'दादा, एक गुड न्यूझ आहे' हे नाटक रंगभूमी वर करत आहे.

ती सुव्रत जोशीसोबत ड्युएट नावाच्या एका नवीन वेब सीरिजचा देखील एक भाग आहे. ड्युएट अजून रिलीज व्हायचे आहे. २०२१ मध्ये ती टाइमपास ३ या मराठी चित्रपटात होती. ती झी मराठीवरील मन उडु उडु झालं या मालिकेत दीपिका देशपांडेची भूमिका साकारत होती.

सामाजिक छबी

२०१९ मध्ये तिचे मराठी दूरचित्रवाणीमधील सर्वात आकर्षक महिला म्हणून वर्णन केले गेले. टाइम्स ऑफ इंडियाच्या मराठी दूरचित्रवाणी २०१८ मधील टॉप १५ सर्वात आकर्षक महिलांमध्ये तिला प्रथम क्रमांक मिळाला होता आणि टाइम्स ऑफ इंडियाच्या २०२० मध्ये तिला दुसरा क्रमांक मिळाला होता. ती सर्वात लोकप्रिय मराठी दूचित्रवाहिनी अभिनेत्रींपैकी एक आहे.

एका सर्वे नुसार ती २०२२ मधील टॉप ५ मराठी दूरचित्रवाहिनी अभिनेत्रींमध्ये ती प्रथम क्रमांकावर होती.

फिल्मोग्राफी

चित्रपट

वर्ष	चित्रपट	भूमिका	भाषा	संदर्भ
२०२०	स्ट्रॉबेरी शेक (शॉर्ट फिल्म)	मृण्मयी/चिऊ	मराठी
	अनन्या	अनन्या
२०२१	टाइमपास ३	पालवी

मालिका

वर्ष	मालिका	भूमिका	टिपा	चॅनेल	संदर्भ
२०१२	पुढचं पाऊल	—	सहदिग्दर्शक	स्टार प्रवाह
२०१३-२०१६	दुर्वा	दुर्वा पाटील-साने	दूरचित्रवाणी पदार्पण	स्टार प्रवाह
२०१७-२०१९	फुलपाखरू	वैदेही रेगे	मुख्य भूमिका	झी युवा
२०२०	सिंगिंग स्टार	सूत्रसंचालक	पर्व १	सोनी मराठी
२०२१-२०२२	मन उडु उडु झालं	दीपिका देशपांडे	मुख्य भूमिका	झी मराठी

नाटक

वर्ष	नाटक	भूमिका	भाषा	संदर्भ
२०१८	दादा एक गुड न्यूझ आहे	नमिता	मराठी

पुरस्कार व नामांकने

वर्ष	पुरस्कार	श्रेणी	मालिका	निकाल
२०१४	महाराष्ट्र टाइम्स सन्मान अवॉर्ड्स	सर्वोत्कृष्ट दूरचित्रवाणी अभिनेत्री	दुर्वा	नामांकन
२०१५		सर्वोत्कृष्ट दूरचित्रवाणी अभिनेत्री		विजयी
२०१६	१६वा संस्कृती कलादर्पण पुरस्कार	सर्वोत्कृष्ट अभिनेत्री – मालिका विभाग		नामांकन
२०१९	झी युवा सन्मान	सर्वोत्कृष्ट तरुण चेहरा	फुलपाखरू	विजयी
	१९वा संस्कृती कलादर्पण पुरस्कार	सर्वोत्कृष्ट अभिनेत्री		विजयी
	सेकंड मज्जा पुरस्कार	सर्वोत्कृष्ट मुख्य अभिनेत्री – मालिका विभाग		विजयी
	झी नाट्य गौरव पुरस्कार	सर्वोत्कृष्ट परफॉर्मन्स	दादा एक गुड न्यूझ आहे	विजयी
२०२१	झी मराठी उत्सव नात्यांचा पुरस्कार २०२१	सर्वोत्कृष्ट नायिका	मन उडु उडु झालं	नामांकन
		सर्वोत्कृष्ट जोडी		विजयी
		सर्वाधिक चर्चित व्यक्तिरेखा		विजयी
	लोकमत पुरस्कार	लोकप्रिय स्टायलिश अभिनेत्री		विजयी

बाह्य दुवे

• इंटरनेट मुव्ही डेटाबेस वरील हृता दुर्गुळे चे पान (इंग्लिश मजकूर)