हनुवन्तिया

विकिपीडिया, मुक्‍त ज्ञानकोशातून
Jump to navigation Jump to search
  ?हनुवन्तिया
मध्यप्रदेश • भारत
—  गाव  —
गुणक: 22°08′46″N 76°35′17″E / 22.146°N 76.588°E / 22.146; 76.588
प्रमाणवेळ भाप्रवे (यूटीसी+५:३०)
क्षेत्रफळ
उंची

• २५८.२७६ मी
जिल्हा खंडवा
भाषा हिंदी

गुणक: 22°08′46″N 76°35′17″E / 22.146°N 76.588°E / 22.146; 76.588

हनुवन्तिया हे भारताच्या मध्य प्रदेश राज्याच्या खंडवा जिल्ह्यात असणारे एक गाव आहे. रस्त्याने नागपूर-बैतुल-खांडवा मार्गे येथे पोचता येते. हे नागपूरपासून सुमारे ३५० किमी अंतरावर आहे. हे गाव नर्मदा नदीवर बांधण्यात आलेल्या इंदिरा सागर बांध या सरोवराच्या अत्यंत जवळ आहे. इंदिरा सागर जलाशय हा सुमारे ९०० वर्ग किमी इतक्या क्षेत्रात पसरला आहे. या जलाशयात सुमारे ९२ बेटे आहेत जी जलाशय पातळीपेक्षा उंचावर आहेत. हे सध्या भारतातील एक मोठे व अग्रणी असे जल व साहस पर्यटनस्थळ मानल्या जाते.मध्य प्रदेश राज्याचा जलमहोत्सव[१] ज्या ठिकाणी भरविण्यात येतो त्या अनेक ठिकाणांपैकी हे एक आहे.[२]

जलमहोत्सवाची इतर ठिकाणे[संपादन]

मध्य प्रदेशातील ओंकारेश्वरजवळ सैलाना, मंदसौरजवळ गांधी सागर तसेच जबलपूरजवळ सरगी (बरगी?) येथेही अश्याच प्रकारच्या सोयी मध्यप्रदेश पर्यटन विभागातर्फे करण्यात येत आहेत.[२]

येथील सोयी[संपादन]

या जलाशयाच्या पाण्यात जेट स्किईंग, वॉटर झोरबिंग,बनाना राईड, पॅरासेलिंग वगैरे करता येते तसेच, येथील मोकळ्या आकाशात पॅरामोटरिंग, पॅराग्लायडिंग व हॉट एअर बलुनचा आनंद घेण्याची व्यवस्था आहे.या व्यतिरिक्त, नर्मदा क्वीन क्रुझची जलाशयातील सफर व तंबूत मुक्काम करुन रात्री दुर्बीणीतून आकाशदर्शनही करता येते.[२]

इतर[संपादन]

येथे येणाऱ्या पर्यटकांच्या मनोरंजनासाठी स्थानिक कलाकारांचे लोकनृत्यसंगीत, स्थानिक व्यंजनेहस्तकला प्रदर्शन आदी गोष्टीही आहेत.[२]

संदर्भ आणि नोंदी[संपादन]

  1. ^ जलमहोत्सवाची माहिती देणारे खाजगी संकेतस्थळ(इंग्रजी मजकूर) जलMahotsav. ओम इव्हेंट्स अँड प्रमोशन्स इंडिया प्रा.लि.अहमदाबाद, गुजरात. दिनांक ०५/०१/२०१७. दिनांक ०५/०१/२०१७ रोजी पाहिले. 
  2. a b c d लेखक:वंदना मुळे,. तरुण भारत, नागपूर - ई-पेपर-दि. ०५/०१/२०१७-फुलऑन पुरवणी, पान क्र. १ रोमांचने भरलेला जलमहोत्सव. प्रकाशक:नरकेसरी प्रकाशन नागपूर,. दि. ०५/०१/२०१७ रोजी पाहिले. 



बाह्य दुवे[संपादन]