स्पायडरमॅन (चित्रपट)

विकिपीडिया, मुक्‍त ज्ञानकोशातून

स्पायडरमॅन हा 200२ साली प्रदर्शित झालेला इंग्लिश भाषेतला चित्रपट आहे

स्पायडर-मॅन

स्पायडरमॅन
निर्मिती वर्ष २००२
भाषा इंग्लिश
देश अमेरिका
दिग्दर्शन सॅम रायमी
प्रमुख कलाकार टोबे मॅग्वायर
कर्स्टन डन्स्ट
विलेम डेफो
जेम्स फ्रॅंको
प्रदर्शित ३ मे २००२
अवधी १२१ मिनिटे

स्पायडर-मॅन (इंग्लिश: Spider-Man) हा २००२ साली प्रदर्शित झालेला एक अमेरिकन इंग्रजी चित्रपट आहे. प्रसिद्ध कॉमिक स्पायडरमॅन वरुण प्रेरणा घेवून या चित्रपटाची निर्मिती करण्यात आली. ह्या चित्रपटात टोबे मॅग्वायरने पीटर पार्करची तर कर्स्टन डन्स्टने मेरी जेन वॉटसनची भूमिका केली. ३ मे २००२ साली प्रदर्शित झालेल्या ह्या चित्रपटाचे शूटिंग लॉस एंजेल्स, सॅन फ्रान्सिस्कोन्यू यॉर्क शहर येथे करण्यात आले. जगभर ८२ कोटीहून अधिक अमेरिकन डॉलर्सची मिळवणूक करणारा हा सिनेमा प्रचंड यशस्वी ठरला. ह्या चित्रपटाचे स्पायडर-मॅन २स्पायडर-मॅन ३ हे दोन सिक्वेल्स (उत्तर कथा) काढण्यात आले.

पार्श्वभूमी[संपादन]

पीटर पार्कर हा एक साधा महाविद्यालयीन विद्यार्थी जेव्हा निरीक्षणासाठी कोळ्यांच्या प्रयोग शाळेत जेव्हा जातो तेव्हा त्याला एक कोळी हातावर चावतो. त्यामुळे त्याला कोळ्यांच्या शक्ति प्राप्त होतात. तो स्वतःची ओळख लपवण्यासाठी स्पायडरमॅन हे नाम धारण करतो, व वाईट शक्तींचा खातमा करतो.

कथानक[संपादन]

"तुमच्याकडे जेवढ्या जास्त शक्ति असतील, तेवढ्या जास्त जबाबदाऱ्या" या तत्वावर कथानकाची मांडणी करण्यात आली. स्पायडरमॅन हा चांगल्या गोष्टी व सत्यासाठी लढतो , व एका कुख्यात शास्त्रज्ञा पासून शहरास वाचवतो. कथानकात वैयक्तिक आयुष्यातील उलाढाली व बारकावे पण टिपले आहेत.

उल्लेखनीय[संपादन]

या चित्रपटामध्ये उत्कृष्ट शैलीचे ॲनिमेशन व चलचित्र वापरण्यात आले. त्यासाठी चित्रपटाला विविध पुरस्कार सुद्धा मिळाले. चित्रपट प्रदर्शित होण्याआधी पासूनच चित्रमासिके (कॉमिक्स) प्रसिद्ध होती.

बाह्य दुवे[संपादन]