सुशीला गणेश मावळणकर

सुशीला गणेश मावळणकर (४ ऑगस्ट, १९०४:मुंबई इलाखा, ब्रिटिश भारत - ११ डिसेंबर, १९९५:अहमदाबाद, गुजरात, भारत) या भारतीय स्वातंत्र्यसैनिक आणि समाजसेविका होत्या. १९५६ मध्ये त्या अहमदाबादमधून पहिल्या लोकसभेवर बिनविरोध निवडून आल्या.

सुरुवातीचे जीवन

सुशीला मावळणकरांचा जन्म रामकृष्ण गोपीनाथ गुर्जर दाते यांच्याकडे ४ ऑगस्ट, १९०४ रोजी मुंबई राज्यात झाला. त्यांनी मेट्रिक-पूर्वपर्यंतचे शिक्षण घेतले.

कारकीर्द

मावळणकर यांनी भारतीय स्वातंत्र्य चळवळीत सक्रिय भाग घेतला आणि महात्मा गांधींच्या आवाहनावरून १९४२ मध्ये भारत छोडो चळवळीत भाग घेतला, ज्यामुळे त्यांना तुरुंगवास भोगावा लागला. जून १९५३ मध्ये झालेल्या राणी एलिझाबेथ द्वितीय यांच्या राज्याभिषेकाला त्या उपस्थित होत्या.

फेब्रुवारी १९५६ मध्ये त्यांचे पती गणेश मावळणकर यांच्या निधनामुळे अहमदाबाद मतदारसंघासाठी झालेल्या पोटनिवडणूकीत सुशीला मावळणकर काँग्रेस पक्षातर्फे पहिल्या लोकसभेत बिनविरोध निवडून आल्या. त्या एक वर्ष या पदावर होत्या. त्या अनेक सामाजिक संस्थांच्या सदस्या होत्या आणि भगिनी समाजाच्या अध्यक्षा होत्या.

वैयक्तिक जीवन

सुशीला यांनी मार्च १९२१मध्ये गणेश वासुदेव मावळंकर यांच्याशी विवाह केला, त्यांना चार मुले झाली. गणेश मावळणकर हे लोकसभेचे पहिले अध्यक्ष होते. सुशीला माळवणकर ११ डिसेंबर, १९९५ रोजी अहमदाबाद मृत्यू पावल्या. त्यांचा मुलगा पुरुषोत्तम मावळंकर हे देखील खासदार होते.