सुबल सरकार

विकिपीडिया, मुक्‍त ज्ञानकोशातून
Jump to navigation Jump to search

सुबल सरकार (अंदाजे १९३५ - १२ नोव्हेंबर, इ.स. २०११; मुंबई, महाराष्ट्र) हे बंगाली नृत्यदिग्दर्शक होते. त्यांनी चार दशकांच्या कारकिर्दीत सुमारे ९५ मराठी, हिंदी, पंजाबी, बंगाली, भोजपुरी, नेपाळी चित्रपटांसाठी नृत्यदिग्दर्शन केले[१].

सरकारांचा जन्म बांग्लादेशात झाला. नंतर त्यांचे कुटुंबीय कोलकात्यास हलले. कलाकार म्हणून कारकिर्द घडवायचे स्वप्न उराशी घेऊन सुबल सरकार मुंबईत आले. मुंबईत आल्यावर आरंभी त्यांनी फळविक्रीचा व्यवसाय केला[२]. या काळात नृत्यदिग्दर्शक सचिन शंकर यांच्याशी त्यांची ओळख झाली[२]. सचिन शंकरांकडून सरकारांनी नृत्यप्रशिक्षण घेतले. ते सचिन शंकरांच्या नृत्यपथकातून काही काळ काम करत होते[२]. काही काळाने त्यांनी स्वतःचे नॄत्यपथक स्थापून भारतभर दौरे करण्यास सुरुवात केली. इ.स. १९७५ साली सोयरीक या मराठी चित्रपटाद्वारे त्यांनी नृत्यदिग्दर्शक म्हणून पदार्पण केले[३]. त्यांनी नॄत्यदिग्दर्शन केलेले माहेरची साडी, पांडू हवालदार, रामराम गंगाराम हे मराठी चित्रपट खूप गाजले.

१२ नोव्हेंबर, इ.स. २०११ रोजी मुंबई, महाराष्ट्र येथील परळ उपनगरातल्या निवासस्थानी त्यांचा मॄत्यू झाला[२].

संदर्भ व नोंदी[संपादन]

  1. ^ "ज्येष्ठ नृत्य दिग्दर्शक सुबल सरकार यांचे निधन" (मराठी मजकूर). सकाळ. १२ नोव्हेंबर, इ.स. २०११. १३ नोव्हेंबर, इ.स. २०११ रोजी पाहिले. 
  2. a b c d "सुबल सरकार यांचं निधन" (मराठी मजकूर). महाराष्ट्र टाइम्स. १२ नोव्हेंबर, इ.स. २०११. १३ नोव्हेंबर, इ.स. २०११ रोजी पाहिले. 
  3. ^ "कॉरिओग्राफर सुबल सरकार डेड (नृत्यदिग्दर्शक सुबल सरकार मृत)" (इंग्लिश मजकूर). झी न्यूज. १२ नोव्हेंबर, इ.स. २०११. १३ नोव्हेंबर, इ.स. २०११ रोजी पाहिले.