सर्जा (चित्रपट)

सर्जा नावाचा चित्रपट १९८७ मध्ये सीमा देव यांनी निर्मिला. अजिंक्य देव, सीमा देव, रमेश देव आणि कुलदीप पवार यांच्या प्रमुख भूमिका असलेला हा इतिहासावर आधारित चित्रपट होता. चित्रपटातील एक गाणे खाली दिले आहे. 'गीतकार' :ना. धो. महानोर

'गायक' :लता - सुरेश वाडकर

'संगीतकार' :पं. हृदयनाथ मंगेशकर

चित्रपट :सर्जा - १९८७

चिंब पावसानं रानं झालं आबादानी

झाकू कशी पाठीवरली, चांदण गोंदणी

झाकू नको कमळनबाई, एकांताच्या कोनी

रुपखनी अंगावरली, सखे लावण्याची खाणी

राया तुझे हात माझ्या हातात गुंफूनी

उन्हात चांदणं आलं लाज पांघरुनी

तुझ्या डोळ्यांच्या सांदीत, सावल्यांची राणी

पान्यामंदी झिम्मा धरं, आभाळ अस्मानी

अंगावरी थरथर उठली झिम्मड भिजल्यावानी

सांगता न येई काही साजणा बोलांनी