श्वेता साळवे
| लिंग | महिला  |
|---|---|
| नागरिकत्व | भारत |
| जन्म तारीख | १२ नोव्हेंबर 1984, १२ नोव्हेंबर 1990 |
| जन्मस्थान | मुंबई |
| व्यवसाय | अभिनेता, मॉडेल, दूरदर्शन अभिनेता |
| शिक्षण घेतलेली संस्था | सोफिया महिला महाविद्यालय |
| कार्य कालावधी (प्रारंभ) | 1998 |
श्वेता साळवे ही एक भारतीय टेलिव्हिजन अभिनेत्री आणि मॉडेल आहे, जी झलक दिखला जा १ या डान्स रिॲलिटी शोची पहिली रनर-अप म्हणून ओळखली जाते.[१]
तिचा जन्म मुंबईतील चेंबूर येथे दीपक आणि हेमा साळवे यांच्या घरी झाला. तिने चेंबूरमधील लोरेटो कॉन्व्हेंट स्कूलमध्ये शिक्षण घेतले आणि मुंबईतील सोफिया कॉलेजमधून बी.ए. पदवी प्राप्त केली. तिने शालेय नाटके आणि नृत्य सादरीकरणात आपली प्रतिभा दाखवली. तिच्या महाविद्यालयीन महोत्सवात साळवेने मिस कॅलिडोस्कोपचा किताब जिंकला होता. तिने २४ एप्रिल २०१२ रोजी तिचा जुना प्रियकर हर्मित सेठीशी लग्न केले. तिला एक मुलगी आहे, जिचा जन्म २०१६ मध्ये झाला.[२]
कारकिर्द
[संपादन]१९९८ आणि २००१ मध्ये झी टीव्हीवरील हिप हिप हुर्रे या दूरचित्रवाणी मालिकेत साळवे मुख्य कलाकारांपैकी एक होती. साळवेने लिपस्टिक आणि सरकार सारख्या दूरचित्रवाणी मालिकांमध्ये काम केले होते, परंतु सब टीव्हीवरील लेफ्ट राईट लेफ्ट मध्ये डॉ. रितू मिश्रा या भूमिकेमुळे ती लोकप्रिय झाली. तिने प्यार में कभी कभी (१९९९) या चित्रपटातून पदार्पण केले, जो रिंकी खन्ना, संजय सुरी, दिनो मोरिया आणि आकाशदीप सैगल यांच्यासारख्या कलाकारांचा पहिला चित्रपट होता. हा चित्रपट बॉक्स ऑफिसवर फारसा यशस्वी झाला नाही. नंतर ती किट्टी पार्टी, कहीं किसी रोज यासारख्या टीव्ही मालिकांमध्ये आणि जस्सी जैसी कोई नहीं मध्ये एका छोट्या भूमिकेत दिसली होती.
तिने लोकप्रिय नृत्य शो झलक दिखला जा (२००६) च्या पहिल्या सीझनमध्ये भाग घेतला होता. तिने कोरिओग्राफर लॉन्गिनस फर्नांडिससोबत जोडी बनवली आणि ती उपविजेती ठरली. २००७ मध्ये, ती टीव्ही स्पोर्ट्स रिॲलिटी मालिका, क्रिकेट स्टारची होस्ट म्हणून दिसली.[३] ती एप्रिल २००८ च्या मॅक्सिम इंडिया मासिकाच्या अंकाच्या मुखपृष्ठावर होती.
तिने भारतीय टेलिव्हिजनवरील प्रसिद्ध रिॲलिटी शो खतरों के खिलाडी (सीझन २) मध्ये भाग घेतला.[४][५]
संदर्भ
[संपादन]- ↑ "Mona 'Jassi' Singh wins Jhalak Dikhhla Jaa". DNA newspaper. 27 October 2006.
- ↑ Shweta Salve Times of india news
- ↑ Hughes, Simon (24 Jan 2007). "Star of India that offers way out". The Telegraph. London.
- ↑ "Shveta faces the pressure". The Times of India. 9 September 2009. 11 August 2011 रोजी मूळ पानापासून संग्रहित.
- ↑ "I have a strong mind: Shveta". The Times of India. 11 August 2009. 11 August 2011 रोजी मूळ पानापासून संग्रहित.