श्याम कुमारी

श्याम कुमारी (जन्म: १९ डिसेंबर १९३४, मुज्जफर नगर, उत्तरप्रदेश, मृत्यू - १४ फेब्रुवारी २०२३) श्री अरविंद इंटरनॅशनल सेंटर ऑफ एज्युकेशन मधील शिक्षिका, इंग्रजी व हिंदी भाषेत विपुल लेखन करणाऱ्या लेखिका म्हणून श्याम कुमारी ओळखल्या जातात. त्यांना २०२२ साली 'ऑरो रत्न' पुरस्काराने सन्मानित करण्यात आले.

जीवन

श्याम कुमारी यांनी लखनौ विद्यापीठातून एम.ए. चे शिक्षण पूर्ण केले.

१९६९ साली त्या श्रीअरविंद आश्रमात दाखल झाल्या आणि श्री अरविंद इंटरनॅशनल सेंटर ऑफ एज्युकेशन मध्ये शिक्षिका म्हणून रुजू झाल्या.

कार्य

• त्यांची इंग्रजी व हिंदी या भाषांमध्ये मिळून सत्तरहून अधिक पुस्तके प्रकाशित झाली आहेत. त्यांच्या कविता, गीते, लेख, नाटके, कथा राष्ट्रीय व आंतरराष्ट्रीय नियतकालिकांमधून प्रकाशित झालेल्या आहेत.
• १९९८ साली त्यांनी 'स्वर्णहंस' नावाचे हिंदी त्रैमासिक सुरू केले. आणि ते एकहाती लेखक, संपादक आणि प्रकाशक या नात्याने वीस वर्षे चालविले.
• १९९८ मध्ये त्यांनी 'व्रज ट्रस्ट'ची स्थापना केली.
• २००१ साली त्यांनी पुडुचेरी येथे 'श्रीअरविंद संस्कृत विद्यालया'ची स्थापना केली. या विद्यालयाद्वारे आबालवृद्धांना मोफत संस्कृतचे शिक्षण दिले जाते.

प्रकाशित ग्रंथसंपदा

निवडक इंग्रजी पुस्तके

• हाऊ दे केम टृू श्रीअरविंद अँड द मदर (दोन खंड)
• विग्नेटस ऑफ श्रीअरविंद अँड द मदर (तीन खंड)
• मोअर विग्नेटस ऑफ श्रीअरविंद अँड द मदर

निवडक हिंदी पुस्तके

• भारत, विश्व और मानवता का भविष्य
• भगवान की ओर (दोन खंड)
• श्रीअरविंद और श्रीमा की दिव्य लीला (दोन खंड)
• गुलाब की पंखुरिया (२१ कथांचा संग्रह)
• अपराजिता (२१ कथांचा संग्रह आणि २ नाटके)
• प्रेम दिवानी (३५ कथांचा संग्रह आणि २ नाटके)
• जीवन की कला (दोन खंड)
• अनुपम कहानिया (चार खंड)
• मधुर कहानिया (दोन खंड)
• शिशु रंगतरंग
• नव बाल तरंग (दोन खंड)
• नव राग अनुराग

त्यांच्या अनेक पुस्तकांचे ओरिया, मराठी, तमिळ, बंगाली, गुजराथी भाषांमध्ये अनुवाद झालेले आहेत.

पुरस्कार

त्यांना २०२२ साली 'ऑरो रत्न' पुरस्काराने सन्मानित करण्यात आले.

पूरक

श्याम कुमारी यांच्या मुलाखती