शिवरायांचा छावा
| प्रकाशन तारीख | १६ फेब्रुवारी 2024  |
|---|---|
| मूळ देश | भारत |
| दिग्दर्शक | Digpal Lanjekar |
| पटकथा | Digpal Lanjekar |
| प्रमुख कलाकार | मृणाल देव, चिन्मय मांडलेकर |
| Distributed by | ए ए फिल्म्स |
शिवरायांचा छावा हा २०२४ मध्ये प्रदर्शित झालेला मराठी भाषेतील ऐतिहासिक नाट्य चित्रपट आहे. या चित्रपटाचे लेखन आणि दिग्दर्शन दिग्पाल लांजेकर यांनी केले आहे. तर निर्मिती मल्हार पिक्चर कंपनीची आहे. श्री शिवराज अष्टक या चित्रपट शृंखलेतील हा सहावा चित्रपट आहे. तर, फर्जंद (२०१८), फत्तेशिकस्त (२०१९), पावनखिंड (२०२२), शेर शिवराज (२०२२) आणि सुभेदार (२०२३) हे या शृंखलेतील पूर्वीचे चित्रपट आहेत.
या चित्रपटात भूषण पाटील, चिन्मय मांडलेकर, मृणाल कुलकर्णी, आयशा मधुकर, समीर धर्माधिकारी आणि राहुल देव यांच्या भूमिका आहेत. हा चित्रपट शिवाजी महाराजांचे पुत्र आणि मराठा साम्राज्याचे दुसरे छत्रपती संभाजी महाराज यांच्याभोवती फिरतो.[१] या चित्रपटाने बॉक्स ऑफिसवर १४ कोटी रुपये कमावले आणि २०२४-२५ सालातील पाचवा सर्वाधिक कमाई करणारा मराठी चित्रपट ठरला.[२]
कथानक
[संपादन]मराठा साम्राज्याचे दुसरे छत्रपती, छत्रपती संभाजी महाराज, अर्थात शंभूराजे यांच्यावर या चित्रपटाचे कथानक आहे. मराठा साम्राज्याचे संस्थापक छत्रपती शिवाजी महाराजांनी त्यांना आपला ज्येष्ठ पुत्र म्हणून नियुक्त केले होते.
कलाकार
[संपादन]- भूषण पाटील - छत्रपती संभाजी महाराजांच्या भूमिकेत
- चिन्मय मांडलेकर - छत्रपती शिवाजी महाराजांच्या भूमिकेत
- मृणाल कुलकर्णी - जिजाबाईच्या भूमिकेत
- तृप्ती तोरडमल - महाराणी येसूबाईच्या भूमिकेत
- समीर धर्माधिकारी - औरंगजेबच्या भूमिकेत
- राहुल देव - कक्कर खानच्या भूमिकेत
- रवी काळे - बहिर्जी नाईकच्या भूमिकेत
- ईशा केसकर - गोजाऊ च्या भूमिकेत
- प्रसन्न केतकर - सरसेनापती हंबीररावच्या भूमिकेत
- अभिजीत श्वेताचंद्र - जोत्याजी केसरकरच्या भूमिकेत
- विक्रम गायकवाड - कवी कलश च्या भूमिकेत
- ज्ञानेश वाडेकर - असद खानाच्या भूमिकेत
- दिप्ती लेले - बकुलाच्या भूमिकेत
- सचिन भिलारे - भव्य च्या भूमिकेत
- बिपिन सुर्वे - औरंगजेबाच्या दूताच्या भूमिकेत
- अवधूत गांधी - रामचंद्रपंत अमात्य च्या भूमिकेत
- सागर संत - निलोपंत पेशवे च्या भूमिकेत
- अमित देशमुख - कोंडाजी फर्जंदच्या भूमिकेत
- भूषण शिवतारे - येसाजी कंकच्या भूमिकेत
- सागर जाधव - रूपाजी भोसले यांच्या भूमिकेत
- निखिल जोगदंड - मानाजी मोरे च्या भूमिकेत
- आशुतोष वाडेकर - मारवाडी व्यापारी
निर्मिती
[संपादन]या चित्रपटाची निर्मिती जून २०२३ मध्ये पूर्ण झाली आणि त्याच वर्षी सप्टेंबरमध्ये चित्रपटाची अधिकृत घोषणा करण्यात आली.[३][१]
प्रदर्शन
[संपादन]हा चित्रपट १६ फेब्रुवारी २०२४ रोजी ४०० हून अधिक चित्रपटगृहांमध्ये आणि १२०० हून अधिक शोमध्ये प्रदर्शित झाला.[४]
३ ऑक्टोबर २०२३ रोजी एकनाथ शिंदे यांच्या हस्ते पहिले मोशन पोस्टर अनावरण झाले.[५]
कमाई
[संपादन]या चित्रपटाने प्रदर्शनाच्या पहिल्या दिवशी 
१.०२ कोटी (US$२,२६,४४०) कमावले.[४] तर शेवटी एकूण १४ कोटी (US$३.११ दशलक्ष) पेक्षा जास्त कमाई केली.[२]
या चित्रपटातील गाण्याचे संगीत देवदत्त मनीषा बाजी यांनी दिले आहे आणि पार्श्वसंगीत अमर मोहिले यांनी दिले आहे, तर गीते दिग्पाल लांजेकर यांनी लिहिली आहेत.[४]
संदर्भ
[संपादन]- 1 2 "'Shivarayancha Chhava': Digpal Lanjekar wraps up shooting of his upcoming historical epic; team celebrates with cake cutting on set". द टाइम्स ऑफ इंडिया. 2023-06-12. ISSN 0971-8257. 2024-02-21 रोजी पाहिले.
- 1 2 "The Ormax Box Office Report: 2024" (PDF). Ormax Media. 2025-01-15 रोजी पाहिले.
- ↑ "शिवरायांनंतर दिग्पाल लांजेकरांच्या 'छावा' ची घोषणा; कोण करणार छत्रपती संभाजी महाराजांची भूमिका?". महाराष्ट्र टाइम्स. 2024-02-21 रोजी पाहिले.
- 1 2 3 Pokharkar, Manjiri (2024-02-17). "जय शिवराय! 'शिवरायांचा छावा'ने रिलीजच्या पहिल्या दिवशीच जमवला कोट्यवधींचा गल्ला; 400 पेक्षा जास्त थिएटर्स अन् 1200 पेक्षा अधिक शोज". ABP Majha. 2024-02-21 रोजी पाहिले.
- ↑ "Maharashtra CM Eknath Shinde unveils motion poster of 'Shivrayancha Chhava' by Digpal Lanjekar". Pune Mirror (इंग्रजी भाषेत). 2023-10-04. 2024-02-21 रोजी पाहिले.