वैभव मांगले

विकिपीडिया, मुक्‍त ज्ञानकोशातून
Jump to navigation Jump to search

वैभव मांगले (७ जून, इ.स. १९७५ - ) हे एक मराठी नाट्य-चित्रपट अभिनेते आहेत.

बी.एस्‌सी., बी.एड., डी.एड. झाल्यावर ते काकांच्या आग्रहाने मुंबईला आले. तेथे दहाबारांज्णांबरोबर मित्राच्या खोलीत राहत असताना त्यांचा आविष्कार या नाट्यसंस्थेशी संबंध आला. त्यांनी नाटकांमध्ये त्यांनी स्त्री-भूमिकाही केल्या आहेत. ग्रामीण नाटकांमध्येही काम करणारे वैभव मांगले हे कोकणी, मालवणी, वर्‍हाडी या बोलीभाषा सफाईने बोलतात.

मांगले यांचे मूळ गाव रत्‍नागिरी जिल्ह्यातील देवरुख असून त्यांचे वडील आणि आजोबाही अभिनय करीत.

झी मराठी या दूरचित्रवाणीच्या वाहिनीवर मराठी नाटकांतील स्त्री भूमिकांची स्थित्यंतरे दाखवणारा ’नांदी’ या कार्यक्रम झाला होता. त्यात संगीत सौभद्राचा एक प्रवेश होता. त्या प्रवेशात रुक्मिणीच्या भूमिकेत वैभव मांगले होते. [[अजय पूरकर[[ श्रीकृष्ण झाले होते.

वैभव मांगले यांची भूमिका असलेली नाटके[संपादन]

  • एक डाव भुताचा
  • करून गेलो गाव (स्त्री-भूमिका)
  • पांडगो इलो रे बा इलो
  • मुक्काम पोस्ट बोंबीलवाडी (वैभव मांगले यांचे पहिले नाटक, दिग्दर्शक - परेश मोकाशी)
  • लग्नकल्लोळ (या नाटकात केलेल्या कामासाठी उत्कृष्ट अभिनयाचा पुरस्कार)
  • वाडा चिरेबंदी
  • वासूची सासू
  • व्यक्ती आणि वल्ली
  • सूर्याची पिल्ले
  • संगीत सौभद्र नाटकातला एक प्रवेश (रुक्मिणीची भूमिका)

दूरचित्रवाणी मालिका[संपादन]

  • कुंकू
  • घडलंय बिघडलंय
  • फू बाई फू (या मालिकेत स्त्री-भूमिकाही होती.)
  • शेजारी शेजारी पक्के शेजारी

चित्रपट[संपादन]

  • आया सावन झूमके
  • उचला रे उचला
  • काकस्पर्श
  • कोकणस्थ - ताठ कणा हाच बाणा
  • चांदी
  • टाइमपास - १ (दिग्दर्शक - रवी जाधव) (या चित्रपटातील जिंदगी जिंदगी या कोरस-गाण्यात वैभव मांगले यांचाही आवाज आहे.)
  • टाइमपास - २
  • टूरिंग टॉकीज
  • दुनियादारी
  • नवरा माझा नवसाचा
  • पिपाणी
  • पोस्ट कार्ड
  • प्रेम म्हणजे प्रेम म्हणजे प्रेम असतं
  • फक्त लढ म्हणा
  • शहाणपण देगा देवा
  • शाळा
  • शिक्षणाच्या आईचा घो
  • सांगतो ऐका
  • साले लोअर मिडल क्लास
  • सासू नंबरी जावई दस नंबरी
  • हरिश्चंद्राची फॅक्टरी

सत्कार आणि पुरस्कार[संपादन]

  • वैभव मांगले यांचा २३-११-२०१० रोजी देवरुखला गावकर्‍यांनी सत्कार केला होता.
  • कलारंग कलागौरव पुरस्कार (२०१३).
  • झी मराठी पुरस्कार (’शेजारी शेजारी...” मधील बी.एल. पाठक या विनोदी भूमिकेसाठी)