नोव्हेंबर २०

नोव्हेंबर २० हा ग्रेगरी दिनदर्शिकेनुसार वर्षातील ३२४ वा किंवा लीप वर्षात ३२५ वा दिवस असतो.

ठळक घटना आणि घडामोडी

विसावे शतक

• १९१० - मेक्सिकन क्रांती - फ्रांसिस्को मदेरोने आपला प्लान दि सान लुइस पोतोसी हा जाहीरनामा प्रसिद्ध केला. यात त्याने राष्ट्राध्यक्ष पॉर्फिरियो दियाझवर टीका केली, स्वतःला राष्ट्राध्यक्ष घोषित केले व जनतेला सरकार उलथण्याचे आवाहन केले.
• १९१७ - पहिले महायुद्ध-कॅम्ब्राईची लढाई - लढाईच्या सुरुवातीस ब्रिटिश फौजेने जर्मनीकडून मोठा भूभाग काबीज केला पण नंतर त्यांना माघार घ्यावी लागली.
• १९१७ - युक्रेन प्रजासत्ताक झाले.
• १९२३ - जर्मनीने आपले अधिकृत चलन पेपियेरमार्क रद्द केले व रेंटेनमार्क हे नवीन चलन सुरू केले. १ रेंटेनमार्कची सुरुवातीची किंमत होती १०,००,००,००,००,००० (१ हजार अब्ज किंवा १० निखर्व) पेपियेरमार्क.
• १९४० - दुसरे महायुद्ध-हंगेरी, रोमेनिया व स्लोव्हेकियाने अक्ष राष्ट्रांशी हातमिळवणी केली.
• १९४३ - दुसरे महायुद्ध-तरावाची लढाई.
• १९४७ - दुसरे महायुद्ध-न्युरेम्बर्गचा खटला सुरू झाला.
• १९४७ - युनायटेड किंग्डमची भावी राणी राजकुमारी एलिझाबेथ व लेफ्टनंट फिलिप माउंटबॅटनचे लग्न.
• १९६९ - व्हियेतनाम युद्ध-क्लीव्हलँड प्लेन डीलर या क्लीव्हलँडच्या दैनिकाने माय लाई कत्तलीची उघड चित्रे प्रसिद्ध केली.
• १९७९ - सौदी अरेबियातील काबा मशीदीत सुमारी २०० सुन्नी लोकांनी ६,००० व्यक्तींना ओलिस धरले. सौदी सरकारने फ्रांसच्या मदतीने हा उठाव हाणून पाडला.
• १९८४ - सेटीची स्थापना.
• १९८५ - मायक्रोसॉफ्टने मायक्रोसॉफ्ट विन्डोज १.० ही संगणक-प्रणाली प्रसिद्ध केली.
• १९९३ - एव्हियोम्पेक्स या विमान कंपनीचे याक ४२-डी प्रकारचे विमान मॅसिडोनियातील ओह्रिड गावाजवळ कोसळले. ११५ ठार, १ व्यक्ती बचावली.
• १९९४ - अँगोलाच्या सरकार व युनिटा क्रांतिकार्‍यांमध्ये झांबियातील लुसाका शहरात तह. १९ वर्षांचे गृहयुद्ध समाप्त.
• १९९८ - अफगाणिस्तानमधील न्यायालयाने केन्या व टांझानियातील अमेरिकन वकिलातींवरील बॉम्बहल्ल्यात ओसामा बिन लादेन निर्दोष असल्याची ग्वाही दिली.
• १९९८ - आंतरराष्ट्रीय अंतराळ स्थानकाचा पहिला भाग प्रक्षेपित.

एकविसावे शतक

• २००३ - इस्तंबूलमध्ये अतिरेक्यांनी बॉम्बस्फोट घडवून आणले. नोव्हेंबर १५ला झालेल्या बॉम्बस्फोटांनंतर ५ दिवसांत झालेल्या या हल्ल्यात ब्रिटिश वकिलात तसेच एच.एस.बी.सी. या बँकेचे तेथील मुख्यालय नष्ट झाले.

जन्म

• २७० - मॅक्सिमिनस, रोमन सम्राट.
• १७५० - टिपु सुलतान, मैसूरचा राजा.
• १६०२ - ऑट्टो फोन ग्वेरिक, जर्मन भौतिकशास्त्रज्ञ.
• १६२५ - पॉलस पोर्टर, डच चित्रकार.
• १७६१ - पोप पायस आठवा.
• १७६५ - सर थॉमस फ्रीमॅन्टल, इंग्लिश दर्यासारंग.
• १८४१ - विल्फ्रिड लॉरिये, कॅनडाचा सातवा पंतप्रधान.
• १८५१ - मार्घेरिता, इटलीची राणी.
• १८५८ - सेल्मा लॅगेर्लॉफ, स्वीडिश लेखक.
• १८६४ - एरिक ऍक्सेल कार्लफेल्ट, स्वीडिश लेखक.
• १८८९ - एडविन हबल, अमेरिकन अंतराळशास्त्रज्ञ.
• १८९६ - येवगेनिया गिन्झबर्ग, रशियन लेखक.
• १९१० - विलेम जेकब व्हान स्टॉकम, डच भौतिकशास्त्रज्ञ.
• १९२४ - बेनुवा मँडेलब्रॉट, फ्रेंच गणितज्ञ.
• १९२५ - रॉबर्ट एफ. केनेडी, अमेरिकेचा सेनेटर.
• १९४१ - हसीना मोइन, उर्दू लेखक.
• १९४२ - ज्यो बिडेन, अमेरिकेचा सेनेटर.
• १९४८ - जॉन आर. बोल्टन, अमेरिकेचा राजदूत.
• १९६३ - टिमोथी गॉवर्स, इंग्लिश गणितज्ञ.

मृत्यू

• १९१० - लिओ टॉल्स्टॉय, रशियन साहित्यिक.

प्रतिवार्षिक पालन

नोव्हेंबर १८ - नोव्हेंबर १९ - नोव्हेंबर २० - नोव्हेंबर २१ - नोव्हेंबर २२ - (नोव्हेंबर महिना)