पीपल्स अ‍ॅक्शन पार्टी

पीपल्स अ‍ॅक्शन पार्टी (मराठी लघुरूप: पीअ‍ॅपा ; इंग्लिश: People's Action Party (लघुरूप: PAP) ; सोपी चिनी लिपी: 人民行动党 ; पारंपरिक चिनी लिपी: 人民行動黨 ; फीनयीन: Rénmín Xíngdòngdǎng, रन्मिन शिंतोंतांग ; मलय: Parti Tindakan Rakyat , पार्टी तिंदाकान राक्यात ; तमिळ: மக்கள் செயல் கட்சி ;) हा सिंगापुराच्या प्रजासत्ताकातील एक प्रमुख राजकीय पक्ष आहे. पीपल्स अ‍ॅक्शन पार्टीची स्थापना इ.स. १९५४ साली ब्रिटिश आधिपत्याखालील सिंगापुरात झाली. इ.स. १९५९ सालातल्या निवडणुकींपासून तो या द्वीप-राष्ट्रातला सत्ताधारी पक्ष आहे.

इ.स. १९६३ सालातील सार्वत्रिक निवडणुकींपासून पीपल्स अ‍ॅक्शन पार्टीचे सिंगापुरातल्या संसदीय लोकशाही-आधारित राजकारणावर वर्चस्व असून देशाच्या सामाजिक व आर्थिक विकासात त्याने महत्त्वाची भूमिका बजावली. मात्र प्रतिबंधक कायदे लागू करून भाषणस्वातंत्र्य व नागरी स्वातंत्र्यावर बंधने लादण्याचे आरोप पक्षावर केले जातात .

इ.स. २००६ सालच्या निवडणुकींमध्ये पक्षाने एकूण मतांपैकी ६६.६ % मते मिळवत सिंगापूर संसदेतील ८४ निर्वाचित जागांपैकी ८२ जागा जिंकल्या.

बाह्य दुवे

• अधिकृत संकेतस्थळ (इंग्लिश मजकूर)