कुमार सानू

कुमार सानू (केदारनाथ भट्टचर्जी) यांनी 80 च्या दशकाच्या उत्तरार्धात मुंबईत येऊन गायनक्षेत्रातील आपला संघर्ष सुरू केला. सुरूवातीस कल्याणजी आनंदजी यांच्या स्टेज शो मध्ये गाऊन व विख्यात गझल गायक जगजीत सिंग यांचे कडून हिन्दी व उर्दू या भाषेतील बारकावे त्यांनी शिकून घेतले. तत्पश्चात कुमार सानू यांनी टी सिरीझ या संगीत कंपनीसाठी किशोर कुमार यांच्या जुन्या गीतांचे कव्हर वर्जन गायले व ते यादें व किशोर की यादें अशा नावाखाली प्रसिद्ध झाले. याच वेळी त्यांना गुलशन कुमार यांनी नदीम श्रवण या नवीन संगीतकारांबरोबर 'आशिकी' या एल्बम मध्ये गाण्याची संधी दिली. 'आशिकी' ने लोकप्रियतेचे सर्व उच्चांक मोडून काढले व त्यानंतर कुमार सानू यांनी मागे वळून पाहेले नाही . सुमारे 15 वर्षे त्यांनी बॉलीवुड मध्ये निर्विवाद वर्चस्व गाजवले.

आजतागायत त्यांनी 20 भाषातील सुमारे 20,000 गीत गायलेले असून सलग 5 वेळा सर्वोत्तम गायकाचा फिल्म फेयर पुरस्कार पटकावणारे ते एकमेव गायक आहेत.