तुळशीदास बोरकर

तुळशीदास बोरकर
जन्म नाव	तुळशीदास वसंत बोरकर
जन्म	नोव्हेंबर १८, इ.स. १९३४ बोरी,गोवा
मृत्यू	२९ सप्टेंबर २०१८
राष्ट्रीयत्व	भारतीय
कार्यक्षेत्र	वाद्यसंगीत संगीत दिग्दर्शक
वडील	वसंत
पुरस्कार	पद्मश्री सन्मान

तुळशीदास वसंत बोरकर (जन्म : १८ नोव्हेंबर १९३४; मृत्यू : २९ सप्टेंबर २०१८) हे एक मराठी हार्मोनियमवादक होते.

बोरकर याचा जन्म गोव्यातील बोरी गावात झाला. ते लहानपणीच पुण्यात आले. गुरू मधुकर पेडणेकर यांच्याकडून हार्मोनियम शिकण्यासाठी ते रोज पुणे-मुंबई ये-जा करत.

तुळशीदास बोरकरांनी उस्ताद आमीर खान, पंडित भीमसेन जोशी, मल्लिकार्जुन मन्सूर, किशोरी आमोणकर, जितेंद्र अभिषेकी, छोटा गंधर्व आदी दिग्गज कलावंतांना पेटीची साथ केली आहे.

तुळशीदास बोरकर हे प्रा. मधुकर तोरडमल दिग्दर्शित हे बंध रेशमाचे या नाटकाचे साहाय्यक संगीत दिग्दर्शक होते.

बोरकरांना भारत सरकारने २०१६ साली पद्मश्री पुरस्कार प्रदान केला.

छोटा गंधर्व यांची साथ करताना तुळशीदास बोरकर

पहा

अन्य बोरकर

पुरस्कार

• भारतीय संगीत नाटक अकादमीतर्फे २०१४ सालची संगीत अकादमी फेलोशिप
• पद्मश्री पुरस्कार २६ जानेवारी २०१६ रोजी.

संदर्भ

• इंडिया नेटझोन संकेतस्थळावरील माहिती (इंग्रजी)
• अंडरस्कोअर रेकॉर्ड्‌स या संकेतस्थळावरील माहिती (इंग्रजी)