युनायटेड किंग्डमचा सहावा जॉर्ज

सहावा जॉर्ज
युनायटेड किंग्डमचा राजा
कार्यकाळ ११ डिसेंबर १९३६ – ६ फेब्रुवारी १९५२
पंतप्रधान	List स्टॅन्ली बाल्डविन चेम्बरलेन चर्चिल ॲटली
मागील	एडवर्ड आठवा
पुढील	एलिझाबेथ दुसरी
भारताचा सम्राट
कार्यकाळ ११ डिसेंबर १९३६ – १५ ऑगस्ट १९४७
मागील	आठवा एडवर्ड
जन्म	१४ डिसेंबर १८९५ (1895-12-14) नॉरफोक, इंग्लंड
मृत्यू	६ फेब्रुवारी, १९५२ (वय ५६) नॉरफोक, इंग्लंड
अपत्ये	एलिझाबेथ दुसरी, युवराज्ञी मार्गारेट

सहावा जॉर्ज (आल्बर्ट फ्रेडरिक आर्थर जॉर्ज; डिसेंबर १४, इ.स. १८९५ - फेब्रुवारी ६, इ.स. १९५२) हा डिसेंबर ११, इ.स. १९३६ ते फेब्रुवारी ६, इ.स. १९५२ दरम्यान युनायटेड किंग्डम व ब्रिटिश साम्राज्याचा सम्राट होता. त्याच्या कारकिर्दीत ब्रिटिश साम्राज्याने मावळते दिवस पाहिले. दुसर्‍या महायुद्धात ब्रिटनचे मोठे नुकसान झाले तसेच साम्राज्यामधील अनेक देशांना स्वातंत्र्य मिळाले ह्या कारणांस्तव युनायटेड किंग्डमचे जगामधील वर्चस्व बऱ्याच अंशी ढासळले.

आपल्या अडखळत बोलण्याच्या सवयीमुळे तसेच लाजर्‍या स्वभावामुळे जॉर्जला राजा बनण्यात स्वारस्य नव्हते. परंतु वडील पाचवा जॉर्ज ह्यांच्या मृत्यूनंतर सत्तेवर आलेल्या थोरल्या भाऊ एडवर्डने एका घटस्फोटित अमेरिकन स्त्री सोबत विवाह करण्याचे ठरवले. राज्यपदाच्या गादीवर असताना हे होणे शक्य नसल्याने एडवर्डने केवळ एका वर्षात सत्ता सोडली व सहाव्या जॉर्जला नाईलाजाने सत्ता हाती घ्यावी लागली.

२०१० साली प्रदर्शित झालेल्या द किंग्ज स्पीच ह्या चित्रपटामध्ये सहाव्या जॉर्जची संभाषण सुधारण्याची धडपड रेखाटली आहे.

बाह्य दुवे

विकिमीडिया कॉमन्सवर खालील विषयाशी संबंधित संचिका आहेत: जॉर्ज सहावा

• जॉर्ज सहावा
• जॉर्जच्या भाषणाचा यूट्युब व्हिडियो