विश्वनाथन आनंद

विश्वनाथन आनंद
पूर्ण नाव	विश्वनाथन आनंद
देश
जन्म	११ डिसेंबर, १९६९ (1969-12-11) चेन्नई, तमिळनाडू, भारत
पद	ग्रँडमास्टर -१९८८
विश्व अजिंक्यपद	२०००-२००२ (फिडे), २००७, २००८, २०१०-सद्य (अविवादित)
फिडे गुणांकन	२८०४ (क्र. १, नोव्हेंबर इ.स. २०१० फिडे गुणांकन यादी)
सर्वोच्च गुणांकन	२८०४ (नोव्हेंबर इ.स. २०१०)

विश्वनाथन आनंद (तामिळ: விசுவநாதன் ஆனந்த்) हा भारतीय बुद्धिबळ ग्रँडमास्टर आहे व तो सध्याचा(इ.स.२०१२) बुद्धिबळातील जगज्जेता आहे. फेडरेशन इंटरनॅशनल डेस इचेसच्या ऑक्टोबर २००७ च्या क्रमवारीनुसार तो जगातील अव्वल क्रमांकाचा खेळाडू होता. त्याने पाच वेळा बुद्धिबळातील जगज्जेतेपद मिळवले आहे. (२०००, २००७, २००८, २०१०, २०१२) तो २००७ पासून तो निर्विवाद बुद्धिबळ जगज्जेता आहे.

जेव्हा जगज्जेतेपदाचे स्थान विभागले गेले तेव्हा आनंद २००० मध्ये फिडे विश्व बुद्धिबळ अजिंक्यपद स्पर्धा जिंकला. तो २००७मध्ये निर्विवाद बुद्धिबळातील जगज्जेता झाला. २००८ मध्ये व्लादिमिर क्रॅमनिकला हरवून त्याने आपली पदवी अबाधित राखली. २०१० मध्ये व्हेसिलिन टोपोलावला हरवून आणि २०१२ मध्ये बोरिस गेल्फॅंडला हरवून त्याने पुन्हा दोनदा आपले विश्वविजेतेपद अबाधित राखले.

जगज्जेतेपद

२०००

आनंदने २००० मध्ये फिडेचे जगज्जेतेपद नॉक-आऊट स्पर्धेमध्ये जिंकले. अंतिम सामन्यात त्याने स्पेनच्या अलेक्सी शिरोवला ३.५ - ०.५ अशी मात दिली.

२००७

मेक्सिको शहरात झालेली जागतिक बुद्धिबळ स्पर्धा जिंकून तो २९ सप्टेंबर २००७ रोजी जगज्जेता झाला. आनंदने ह्या स्पर्धेत १४ पैकी ९ गुण मिळविले. तो ह्या स्पर्धेत एकही सामना हरला नाही. त्याने इतर स्पर्धकांपेक्षा एक पूर्ण गुण अधिक मिळवला.

२००८

२००८ मधे आनंदने रशियाच्या व्लादिमिर क्रॅमनिकला ६.५ - ४.५ असे हरवून जगज्जेतेपद आपल्यापाशीच ठेवले. क्रॅमनिक व आनंद हे आजपर्यंत ६४ सामने खेळले आहेत.

२०१०

२०१० मध्ये आनंदने बुल्गेरियाच्या टोपोलोवला बुल्गेरियामध्ये ६.५ - ५.५ असे हरवून पुन्हा एकदा जगज्जेतेपद आपल्यापाशीच ठेवले.

२०१२

२०१२ मध्ये आनंदने बोरिस गेल्फॅंड याला हरवून आपले जगज्जेतेपद कायम राखले.

पुरस्कार

• भारत सरकारचा खेळ पुरस्कार - अर्जुन अवॉर्ड (१९८५)
• आनंदला भारत सरकारने पद्मश्री (१९८७), पद्मभूषण (२०००) व पद्मविभूषण (२००७) हे पुरस्कार दिले आहेत.
• भारत सरकारचा सर्वोच्च खेळ पुरस्कार - राजीव गांधी खेळ रत्न (१९९१-१९९२) मिळणारा आनंद हा पहिला खेळाडू आहे.
• स्पेन सरकारचा सर्वोच्च पुरस्कार - Jameo de Oro (२५ एप्रिल २००१).
• चेस ऑस्कर - सहा वेळा (१९९७, १९९८, २००३, २००४, २००७, २००८ आणि २००९).

बाह्य दुवे

• आनंदची फिडे वरील व्यक्तिरेखा
• Anand wins World Championship 2010
• 500+ photos from the World Championship 2010
• Viswanathan Anand at CSA Celebrity Speakers
• Latest Videos of Viswanathan Anand
• Viswanathan Anand games at 365Chess.com
• Interview with Viswanathan Anand at LatestChess.com year 2007
• TIME: History of Chess, by Viswanathan Anand
• Startup Lessons from Viswanathan Anand
• Interview with CNN IBN, May 2008
• Interview at ChessBase
• Vishy Anand on lessons to board room from the board Economic Times
• "India Swoons Over Its Chess Champ, and Even the Game" New York Times 9 August 2010
• The game Anand-Bologan, Dortmund (7) 2003, with annotations by Boris Schipkov
• The game Anand-Topalov, World Chess Championship, Sofia (4) 2010, with annotations by Boris Schipkov
• Viswanathan Anand's Interview in Dec 2011 before London Chess Classic