संभाजी भिडे

संभाजी विनायकराव भिडे (जन्म: मनोहर कुलकर्णी) हे पश्चिम महाराष्ट्रात कार्यरत शिवप्रतिष्ठान या संस्थेचे संस्थापक व प्रमुख आहेत. त्यांचे वय ८० च्या पुढे आहे. ते भिडे गुरुजी या नावाने प्रसिद्ध आहेत. १ जानेवारी २०१८ कोरेगाव भीमा येथे दलितांविरूद्ध दंगल घडण्याचा आरोप यांच्यावर सध्या आहे.

शिवप्रतिष्ठान ही संस्था स्थापन करण्या आधी भिडे राष्ट्रीय स्वयंसेवक संघाचे प्रचारक होते. भिडे यांनी परमाणु भौतिक शास्त्र या विषयात स्नातकोत्तर पदवि, पुणे विद्यापिठातुन प्राप्त केली. तसे करतांना त्यांनी सुवर्ण पदक ही मिळविले. तद् पश्चात ते पुण्यातिल फ़र्गुसन महाविद्यालयात शिकवित असत.

शिवप्रतिष्ठान ही संस्था कुठल्याही राजनैतिक पक्षाशी संलग्न नसणारी सामाजिक व सांस्कृतिक क्षेत्रात कार्यरत असणारी संस्था आहे. नरेंद्र मोदी हे भिडे यांना प्रेरणा स्थानी मानतात. २०१४ या वर्षी तासगाव, सांगली येथील झालेल्या प्रचार सभेतील भाषणात मोदी म्हणाले की मी भिडे यांच्या आमंत्रणाने नाही तर त्यांची आज्ञा मानुन आलो आहे. असे म्हंटले आहे की, देवेंद्र फडनविस यांनी ही आपल्या ठरवलेल्या कार्यक्रमात बदल करुन, एके दिवशी भिडे यांची भेट घेतली. शिवप्रतिष्ठानच्या कार्यक्रमास मोदी व फडनविस उपस्थित राहिले आहेत. भिडे यांच्या विषयी उद्धव ठाकरे यांच्या मनात आदर आहे.

भिडे हे ब्रम्हचारी आहेत, म्हणुन ते पादत्राणे घालित नाही. ते प्रवास ही सायकल ने करता. मोदी एका भाषणात म्हणाले की भिडे यांना पाहता त्यांच्या व्यक्तिमत्वात त्यांचा त्याग, त्यांची तपस्या व त्यांचा मोठेपणा लक्षात येत नाही. प्रिती सोमपुरा यांच्याशी बोलताना भिडे यांनी हिंदु तत्वज्ञानाचा पाया “एकम् सत् विप्रा: बहुधा वदन्ति” आहे असे आपले मत मांडले.