अनंत हरि गद्रे

अनंत हरी गद्रे तथा समतानंद (जन्म : १६ ऑक्टोबर, इ.स. १८९० मृत्यू : ३ सप्टेंबर, इ.स. १९६७) हे वार्ताहर, थोर समाजसुधारक आणि नाटिका संप्रदायाचे प्रवर्तक होते.

दै. संदेशमध्ये वार्ताहर म्हणून काम करीत असतां टिळकांच्या होम-रूल चळवळीचे गद्‌र्‍यांनी केलेले वार्तांकन खूप लोकप्रिय झाले . इ.स. १९२२ साली सुरू केलेल्या मौज ह्या साप्ताहिकातील त्यांची संपादकीये चांगलीच लोकप्रिय झाली. इ.स. १९३४ साली सुरू केलेल्या 'निर्भीड' ह्या आपल्या दुसर्‍या साप्ताहिकातून गद्‌र्‍यांनी सामाजिक समतेचा पुरस्कार करीत स्पृश्यास्पृश्यता आणि केशवपनासारख्या वाईट चालींवर कडाडून टीका केली. दलित आणि सवर्णांमधील सामाजिक दरी मिटवण्यासाठी 'झुणका-भाकर चळवळी'सारखे प्रयोग गद्‌र्‍यांनी केले. 'झुणका-भाकर' चळवळीमध्ये समाज्याच्या सर्व थरांतील, सर्व जातींचे लोक एकत्र येऊन भोजन करीत असत .

अनंत हरि गद्रे यांनी लिहिलेली पुस्तके

• अच्युतराव कोल्हटकर- १ (चरित्र)
• नाटिका नवरत्‍नहार (संपादित)
• पाहुणा (नाटक)

पुरस्कार

गद्रे यांच्या नावाने मुंबई मराठी पत्रकार संघ हे 'समतानंद अनंत हरी गद्रे' नावाचा पुरस्कार देत्तो. २०१३ सालचा पुरस्कार लोकसत्ता'चे सहसंपादक संदीप आचार्य यांना मिळाला होता. यापूर्वी हा पुरस्कार मिळालेले पत्रकार :

• माधव गडकरी (१९९१)
• रंगा वैद्य (१९९२)
• यदुनाथ थत्ते (१९९३)
• नारायण आठवले (१९९४)
• मधु नाशिककर (१९९५)
• कृ.पां. सामक (१९९६)
• माया चिटणीस (१९९७)
• रामभाऊ जोशी (१९९८)
• भा.म. निंबकर (१९९९)
• भालचंद्र आकलेकर (२०००)
• दिनू रणदिवे (२००१)
• पंढरीनाथ सावंत (२००२)
• स पां. जोशी (२००३)
• संभा चव्हाण(२००४)
• दत्ताराम बारस्कर (२००५)
• वसंत लक्ष्मण गडकर (२००६)
• मधू रावकर (२००७)
• लक्ष्मण केळकर (२००८)
• सुभाष हरड (२००९)
• सतीश कामत (२०१०)
• आत्माराम नाटेकर (२०११)
• मोहन केळुस्कर (२०१२)