लीना चंदावरकर

लीना चंदावरकर

लीना चंदावरकर (२९ ऑगस्ट, १९५०:धारवाड, कर्नाटक, भारत - ) ही एक भारतीय चित्रपट अभिनेत्री आहेत. हिने मुख्यत्वे १९६० च्या दशकाच्या उत्तरार्धात आणि १९७० च्या दशकाच्या सुरुवातीला हिंदी चित्रपटसृष्टीत काम केले. तिचा जन्म कर्नाटकमधील धारवाड येथे एका लष्करी अधिकाऱ्याच्या कुटुंबात झाला. तिने आपल्या कारकिर्दीची सुरुवात जाहिरातींमधून केली आणि त्यानंतर सुनील दत्त यांच्या मन का मीत (१९६८) या चित्रपटातून हिंदी चित्रपटसृष्टीत पदार्पण केले. आपल्या सौंदर्यामुळे आणि अभिनय कौशल्यामुळे ती अल्पावधीतच लोकप्रिय झाली. चंदावरकरने आपल्या कारकिर्दीत राजेश खन्ना, धर्मेंद्र, जितेंद्र आणि संजीव कुमार यांसह अनेक अभिनेत्यांबरोबर काम केले. महबूब की मेहंदी (१९७१), मनचली आणि बैराग (१९७६) हे त्यांचे काही लोकप्रिय चित्रपट आहेत.

चंदावरकरचे वैयक्तिक आयुष्य अत्यंत चढ-उतारांचे आणि संघर्षाचे राहिले आहे. तिचे लग्न वयाच्या २५व्या वर्षी गोव्यातील एका राजकीय कुटुंबातील सिद्धार्थ बांदोडकरशी झाले. लग्नानंतर अवघ्या काही दिवसांतच सिद्धार्थचा अपघाती गोळीबारात मृत्यू झाला आणि चंदावरकरला वयाच्या पंचविसाव्या वर्षी वैधव्य आले. त्यानंतर काही वर्षांनी तिने पार्श्वगायक किशोर कुमारशी लग्न केला. किशोर कुमार यांच्याशी लग्न करण्यास त्यांच्या वडिलांचा सुरुवातीला विरोध होता, कारण किशोर कुमार यांचे हे चौथे लग्न होते आणि ते लीना यांच्यापेक्षा २० वर्षांनी मोठे होते; परंतु नंतर त्यांनी या विवाहास संमती दिली. लीना आणि किशोर कुमार यांना सुमीत नावाचा मुलगा आहे. १९८७ मध्ये किशोर कुमार यांच्या निधनानंतर त्या वयाच्या ३७व्या वर्षी पुन्हा विधवा झाल्या. सध्या त्या मुलगा सुमीत आणि सावत्र मुलगा अमित कुमार व त्यांच्या कुटुंबासोबत मुंबईत राहतात.

चित्रपट

लीना चंदावरकरचे चित्रपट

वर्ष	चित्रपट	भूमिका	निर्देशक	सह-कलाकार	संदर्भ
१९८५	सरफरोश	—	दसारी नारायण राव	जितेन्द्र, श्रीदेवी
१९८०	जालिम	—	बी. सुभाष	विनोद मेहरा, शत्रुघ्न सिन्हा
१९७८	डाकू और जवान	—	सुनील सिकंद	विनोद खन्ना, सुनील दत्त
१९७८	नालायक	सीमा	पद्मनाभ	जितेन्द्र
१९७७	आफत	इंस्पेक्टर छाया	आत्माराम	जितेन्द्र, नविन निश्चल
१९७७	आखरी गोली	—	सुबोध मुखर्जी	रणधीर कपूर
१९७७	नामी चोर	—	कमल मेहरा	शशी कपूर
१९७७	यारों का यार	बिंदिया	कैलाश भंडारी	शत्रुघ्न सिन्हा
१९७६	बैराग	—	असित सेन	दिलीप कुमार, सायरा बानो
१९७५	एक महल हो सपनों का	—	देवेन्द्र गोएल	धर्मेन्द्र, अशोक कुमार, शर्मिला टागोर
१९७५	अपने रंग हज़ार	—	रवि टंडन	संजीव कुमार, अशोक कुमार
१९७५	जग्गू	गीता	सतीश भाकरी	शत्रुघ्न सिन्हा
१९७५	कैद	इमरसी / रागिणी / प्रीत	आत्माराम	विनोद खन्ना
१९७४	बिदाई	पद्मा दास	एल. वी. प्रसाद	जितेन्द्र
१९७४	चोर चोर	—	प्रेम प्रकाश	विजय आनंद
१९७४	इमान	—	पद्मनाभ	संजीव कुमार
१९७३	अनहोनी	डॉ. रेखा	रवि टंडन	संजीव कुमार
१९७३	एक कुंवारी एक कुंवारा	नीला	प्रकाश मेहरा	राकेश रोशन, प्राण
१९७३	हनीमून	मधु भार्गव	हिरेन नाग	अनिल धवन
१९७३	मनचली	लीना	राजा नवाथे	संजीव कुमार
१९७२	दिल का राजा	—	पी. माधवन	राज कुमार, वहीदा रहमान
१९७१	प्रीतम	शरण सिन्हा	भप्पी सोनी	शम्मी कपूर
१९७१	जाने-अनजाने	माला	शक्ति सामंत	शम्मी कपूर
१९७१	मैं सुंदर हूँ	राधा	कृष्णन-पंजू	मेहमूद, बिस्वजीत
१९७१	महबूब की मेहँदी	शबाना	हरनाम सिंह रवैल	राजेश खन्ना
१९७१	रखवाला	—	के. शंकर	धर्मेन्द्र
१९७०	हमजोली	राणीबाला राय	टी. आर. रमन्ना	जितेन्द्र
१९७०	जवाब	चंचल	रमेश सहगल	जितेन्द्र
१९७०	सास भी कभी बहू थी	—	वी. मधुसूदन राव	संजय खान
१९६८	मन का मीत	—	अदुरथी सुब्बा राव	सोम दत्त, विनोद खन्ना