राम कापसे

विकिपीडिया, मुक्‍त ज्ञानकोशातून

राम कापसे (जन्म : नाशिक (किंवा जव्हार?), १ डिसेंबर, १९३३; मृत्यू : डोंबिवली, २९ सप्टेंबर, २०१५) हे भारतातले एक उत्तम मराठी संसदपटू होते.

मूळचे शिक्षक असलेले कापसे हे १९५९ ते १९९३ या कालावधीत रूपारेल महाविद्यालयात प्राध्यापक होते. जनसंघ, जनता पार्टी आणि भाजपा या पक्षांच्या वाटचालीत ठाणे जिल्ह्यात भाजपाची पाळेमुळे रुजविण्यात त्यांचे मोलाचे योगदान होते.

राम कापसे यांची कारकीर्द[संपादन]

  • १९६२ ते १९७४ कल्याण नगरपरिषदेत नगरसेवक
  • १९७८ साली कल्याण विधानसभा मतदारसंघातून ते निवडून आले व पहिल्यांदा आमदार झाले.
  • पुरोगामी लोकदल-पुलोद सरकारच्या काळात त्यांनी सिडकोचे अध्यक्षपदही सलग दोन वर्षे भूषविले
  • १९८० मध्ये ते पुन्हा आमदार म्हणून निवडून आले.
  • १९८५ साली तिसर्‍यांदा आमदार झाले.
  • नोव्हेंबर १९८९ मध्ये त्यांना ठाणे लोकसभेची उमेदवारी मिळाली त्यात काँग्रेसचे शांताराम घोलप यांचा पराभव करून ते विजयी झाले.
  • लोकसभेचे दुसर्‍यांदा खासदार झाले.(१९९१)
  • १९९६ साली ठाणे लोकसभेची जागा भा शिवसेनेच्या वाट्याला गेल्यानंतर ते १९९६ ते २००० या काळात राज्यसभेचे खासदार होते.
  • जानेवारी २००४-०६ या कालावधीत ते अंदमान निकोबार चे नायब राज्यपाल होते.