मेघश्री दळवी

डॉ. मेघश्री दळवी या मराठी विज्ञानकथा आणि विज्ञानलेख यासाठी प्रसिद्ध आहेत. त्यांची नऊ मराठी पुस्तके प्रकाशित झालेली असून अनेक प्रातिनिधिक विज्ञानकथा संग्रहात त्यांच्या कथा समाविष्ट आहेत. त्यांच्या १७० हून अधिक मराठी आणि ५० हून अधिक इंग्लिश विज्ञानकथा प्रकाशित झाल्या आहेत. तर ५०० हून अधिक मराठी विज्ञान लेख प्रकाशित झाले आहेत.

त्यांनी कुमारवयीन वाचकांसाठीही लेखन केलेले आहे.

त्यांच्या कथा हिंदी, कन्नड, फ्रेंच, व स्पॅनिशमध्ये अनुवादित झाल्या आहेत.

त्यांनी अभियांत्रिकी पदवी आणि त्यानंतर व्यवस्थापनात पीएचडी मिळवलेली आहे.

प्रकाशित साहित्य

• एलियन्स येतील तेव्हा - कुमार विज्ञानकथा संग्रह, २०२६
• पॉपअप आणि इतर विज्ञानकथा - विज्ञानकथा संग्रह,२०२५
• गणितगोष्टी - गणितावर आधारित कथांचा संग्रह, २०२५
• वेलकम बॅक - विज्ञानकथा संग्रह, २०२३
• आगमन - विज्ञानकथा संग्रह, २०२३
• चिक्कार नंतरच्या गोष्टी - कुमार विज्ञानकथा संग्रह, २०२०
• ब्रह्मांडाची कवाडं - ज्येष्ठ लेखक लक्ष्मण लोंढे यांसमवेत सहसंपादन, प्रातिनिधिक विज्ञानकथा संग्रह, २०१६
• प्रिमझाल मान आणि अन्य विज्ञानकथा - विज्ञानकथा संग्रह, २०१३
• प्रारंभ - विज्ञानकथा संग्रह, २०१०
• यंत्राच्या विश्वात, १९९०
• अनेक प्रातिनिधिक विज्ञानकथा संग्रहात कथा समाविष्ट

पुरस्कार

• सार्वजनिक वाचनालय नाशिक पुरस्कार - पॉपअप आणि इतर विज्ञानकथा या संग्रहासाठी २०२६
• पुणे मराठी ग्रंथालय चेतना पुरस्कार - पॉपअप आणि इतर विज्ञानकथा या संग्रहासाठी २०२५
• छंदश्री दिवाळी अंक स्पर्धा २०२२ - लघुकथा, प्रथम पुरस्कार
• महाराष्ट्र साहित्य परिषद -  गो. रा. परांजपे पुरस्कार २०२२
• महाराष्ट्र राज्य सरकार पुरस्कार - यंत्रांच्या विश्वात या विज्ञान पुस्तकासाठी १९९२
• हरिभाऊ मोटे विज्ञान पारितोषिक - यंत्रांच्या विश्वात या विज्ञान पुस्तकासाठी १९९२
• विज्ञानरंजन कथा स्पर्धा पुरस्कार १९८८ आणि १९८९