पॅप स्मिअर
पॅप स्मिअर(Pap Smear) ही एक गर्भाशयाच्या मुखाची तपासणी आहे.
तपासणी
[संपादन]ही एक गर्भाशयाच्या मुखाची तपासणी आहे. ही तपासणी ग्रीक वैद्यक जी.एन. पॅपिनिकोलाव्ह यांनी शोधली. त्याच्या स्मरणार्थ पॅप स्मिअर नाव दिले गेले आहे. गर्भाशयाच्या मुखावरील आवरणातील पेशी पॅप स्मिअर या तपासणीत पाहिल्या जातात व तेथे कर्करोग होण्याची शक्‍यता अथवा सुरुवात सापडू शकते की जी कर्करोगाचे उपचार अधिक प्रभावी करतात.
तपासणी कोणी करावी?
[संपादन]
गर्भाशयाच्या मुखाचा कॅन्सर (कर्करोग) हा भारतात खूप प्रमाणात आहे. दरवर्षी १,३२,००० नवीन रुग्ण या आजाराने पिडीत होतात आणि ७४,००० स्त्रिया मृत्युमुखी पडतात. गर्भाशयाच्या मुखाच्या आजाराची लक्षणे लवकर दिसत नाहीत.
- ४० वर्षांवरील सर्व महिला,
- गर्भाशयाच्या मुखाच्या कर्करोगाचा कौटंबिक इतिहास
- खाद्या स्त्रीची रोगप्रतिकारकशक्ती खूपच कमी असेल
- धूम्रपान करत असेल
- गुप्तांगांची स्वच्छता ठेवत नसेल
- गुप्तरोग झाला असेल
तपासणी पद्धती
[संपादन]गर्भाशयाचं तोंड तपासतात व ब्रशने किंवा आर्यस स्पॅच्युलाने किंवा कापसाच्या स्नॅबने नमुना घेतला जातो. आर्यस स्पॅटुला पूर्णगोल फिरविला जातो. त्याला काचपट्टीवर ठेवून अल्कोहोलच्या साहाय्याने फिक्स केले जाते व पॅपच्याद्रावणाने रंगीत करून सुक्ष्मदर्शकाखाली तपासले जाते.