द.ज. सरदेशपांडे

द.ज. सरदेशपांडे
चित्र:गुरूवर्य दत्तात्रय जगन्नाथ तथा दादासाहेब सरदेशपांडे.jpg
जन्म	दत्तात्रय जगन्नाथ सरदेशपांडे
निवासस्थान	राजापूर
राष्ट्रीयत्व	भारतीय
टोपणनावे	दादासाहेब
नागरिकत्व	भारतीय
पेशा	शिक्षक
प्रसिद्ध कामे	राजापूर या गावात राजापूर हायस्कूलचे मुख्याध्यापक आणि देवरुख शिक्षण प्रसारक मंडळाचे एक संस्थापक
मूळ गाव	कोंडगाव, साखरपा (रत्‍नागिरी जिल्हा)
पुरस्कार	राष्ट्रपती पुरस्कार

गुरुवर्य दत्तात्रय जगन्नाथ उर्फ दादासाहेब सरदेशपांडे हे महाराष्ट्रातील शिक्षणतज्ज्ञ होते. त्यांना भारत सरकारचा राष्ट्रीय पुरस्कार मिळाला होता. यांचे मूळ गाव हे संगमेश्वर तालुक्यातील कोंडगाव होते. परंतु ते राजापूर या गावात राहत असत.

शिक्षण क्षेत्रातील वाटा

राजापूर या गावातील शिक्षण क्षेत्रात यांचा मोलाचा वाटा होता. राजापूरमधील राजापूर हायस्कूल या विद्यालयामध्ये ते सन १९३० ते १९५६ या कालावधीत मुख्याध्यापक होते. कै. द. ज. सरदेशपांडे यांचा इंग्रजी, विज्ञान आणि संस्कृत यांसारख्या विषयाच्या अध्यापनामध्ये हातखंडा होता. सन १९३० मध्ये गुरुवर्य द. ज. सरदेशपांडे यांनी रत्‍नागिरी येथे 'जिल्हा माध्यमिक शाळा संघाची' स्थापना केली. १९६० साली गुरुवर्य द. ज. सरदेशपांडे यांच्या शिक्षणातील महत्वपूर्ण योगदानाबद्दल राष्ट्रपती डॉ. राजेंद्र प्रसाद यांच्या हस्ते त्यांना राष्ट्रीय “आदर्श शिक्षक पुरस्कार” देऊन त्यांचा यथोचित गौरव केला होता.

तसेच देवरुख गावातील देवरुख शिक्षण प्रसारक मंडळ या शैक्षणिक संस्थेच्या स्थापनेत देखील यांचा सहभाग होता.

५ फेब्रुवारी १९७७ या दिवशी त्यांचे अल्पशा आजाराने निधन झाले. यांच्या स्मृतिप्रीत्यर्थ राजापुरातील नाट्यगृहाला दादासाहेब सरदेशपांडे असे नाव देण्यात आले.