Jump to content

जसोधरा बागची

विकिपीडिया, मुक्‍त ज्ञानकोशातून
जसोधरा बागची
चित्र:JasodharaBagchiPic.jpg
जन्म १९३७
मृत्यू ९ जानेवारी २०१५ (वय: ७७)
कोलकाता, भारत

जसोधरा बागची (जन्म १९३७ कोलकाता - ९ जानेवारी २०१५) या अग्रगण्य भारतीय स्त्रीवादी प्राध्यापिका, लेखिका, समीक्षक आणि कार्यकर्त्या होत्या.[१] यादवपूर विद्यापीठातील महिला अभ्यास विद्यालयाच्या त्या संस्थापक आणि संचालिका होत्या.[१] त्यांच्या प्रसिद्ध पुस्तकांमध्ये लव्हड अँड अनलॉड - द गर्ल चाइल्ड अँड ट्रॉमा आणि ट्रायम्फ - जेंडर अँड पार्टीशन इन ईस्टर्न इंडिया यांचा समावेश आहे.[२] त्यांनी सचेतना ही महिला हक्क संघटनाही स्थापन केली होती.[२]

प्रारंभिक जीवन आणि शिक्षण[संपादन]

जसोधरा बागची यांचा जन्म १९३७[२] मध्ये कोलकाता येथे झाला. त्यांचे शिक्षण प्रेसिडेन्सी कॉलेज, कोलकाता (तेव्हा कलकत्ता विद्यापीठाशी संलग्न), सोमरविले कॉलेज, ऑक्सफर्ड आणि न्यू हॉल, केंब्रिज येथे झाले.

कारकीर्द[संपादन]

जसोधरा बागची यांनी लेडी ब्रेबॉर्न कॉलेज, कलकत्ता येथे इंग्रजी शिकवल्यानंतर १९६४ मध्ये यादवपूर विद्यापीठात इंग्रजी शिकवण्यास सुरुवात केली. १९८८ मध्ये त्या यादवपूर विद्यापीठाच्या स्कूल ऑफ वुमेन्स स्टडीज[३][१] संस्थापिका - संचालिका बनल्या. १९९७ च्या निवृत्तीनंतर, त्यांनी स्कुल ऑफ वुमेन्स स्टडीजमध्ये एमेरिटस प्रोफेसर म्हणून शिकवले.[१]

मृत्यू आणि वारसा[संपादन]

जसोधरा बागची यांचे ९ जानेवारी २०१५ [२] रोजी सकाळी ७७ व्या वर्षी निधन झाले.

पुनर्नबा ही स्वयंसेवी संस्था ज्याच्याशी बागची जवळून निगडीत होत्या. त्यांनी २०१५ पासून दरवर्षी जसोधरा बागची मेमोरियल कार्यक्रम आयोजित केला आहे. ज्यामध्ये बागची यांच्या स्मरणार्थ व्याख्यानाचा समावेश आहे.[४] जसोधरा बागची मेमोरियल हार्डशिप फंडाची स्थापना २०१९ मध्ये बागचीच्या कुटुंबाच्या पाठिंब्याने इंग्रजी विभाग, यादवपूर विद्यापीठात, विभागातील विद्यार्थ्यांमधील वैयक्तिक अडचणींच्या प्रकरणांना मदत करण्यासाठी करण्यात आली.[५]

वैयक्तिक जीवन[संपादन]

त्यांचा विवाह अर्थतज्ञ अमिया कुमार बागची यांच्याशी झाला होता.[२]

  • व्हिक्टोरियन युगातील साहित्य, समाज आणि विचारधारा (संपादित खंड), (१९९२)
  • इंडियन वुमनः मिथक अँड रीॲलिटी (संपादित खंड), (१९९५)
  • लव्हड अँड अनलॉड: द गर्ल चाइल्ड इन द फॅमिली (जबा गुहा आणि पियाली सेनगुप्तासोबत)(१९९७)
  • जेम लाईक फ्लेम: वॉल्टर पॅटर अँड द नाइनटींथ सेंच्युरी पॅरॅडीयम ऑफ मॉडर्नीटी (१९९७)
  • थिंकिंग सोशल सायन्स इन इंडिया: एसेस इन ऑनर ऑफ ॲलिस थॉर्नर (कृष्णा राज आणि सुजाता पटेल सह-संपादित) (२००२)
  • द ट्रॉमा अँड द ट्रायम्फ: जेंडर अँड पार्टीशन इन ईस्टर्न इंडिया, २ खंड (सुभोरंजन दासगुप्ता सह-संपादित) (२००३ मध्ये खंड १, २००९ मध्ये खंड २)[६]
  • पश्चिम बंगालमधील महिलांची बदलती स्थिती १९७०-२०००: द चॅलेंजेस अहेड (संपादित खंड), (२००५)[७]
  • इंटरोगेटींग मदरहुड (२०१६)[८]

संदर्भ[संपादन]

  1. ^ a b c d Jasodhara Bagchi is no more
  2. ^ a b c d e TNN (January 10, 2015). "Jashodhara Bagchi passes away". Times of India. 12 July 2021 रोजी पाहिले.TNN (10 January 2015). "Jashodhara Bagchi passes away". Times of India. Retrieved 12 July 2021.
  3. ^ "School of Women's Studies, Jadaypur University". April 5, 2005 रोजी मूळ पान पासून संग्रहित.
  4. ^ "Log In or Sign Up to View". www.facebook.com.
  5. ^ "Abhijit Gupta". www.facebook.com. 2019-02-03 रोजी पाहिले.
  6. ^ Chatterjee, Bhaskar (January 9, 2006). "MEMORIES OF A TRAGEDY". The Telegraph. 12 July 2021 रोजी पाहिले.
  7. ^ Sen, Benita (May 24, 2005). "Towards an egalitarian world". Hindustan Times. PTI. 12 July 2021 रोजी पाहिले.
  8. ^ Bhattacharya, Mihir (November 10, 2017). "Rethinking motherhood". Frontline. 12 July 2021 रोजी पाहिले.

बाह्य दुवे[संपादन]