जयपूर आंतरराष्ट्रीय विमानतळ

जयपूर आंतरराष्ट्रीय विमानतळ सांगानेर विमानतळ जयपुर अंतरराष्ट्रीय हवाई अड्डा
आहसंवि: JAI – आप्रविको: VIJP
माहिती
विमानतळ प्रकार		सार्वजनिक
प्रचालक		भारतीय विमानतळ प्राधिकरण
कोण्या शहरास सेवा		,जयपूर
स्थळ		सांगानेर, राजस्थान, भारत
समुद्रसपाटीपासून उंची		१,२६३ फू / ३८५ मी
गुणक (भौगोलिक)		26°49′27″N 075°48′44″E
धावपट्टी
दिशा	लांबी		पृष्ठभाग
	फू	मी
०९/२७	९,१७७	२,७९७	कॉंक्रिट/डांबरी
१५/३३	५,२३३	१,५९२	डांबरी धावपट्टी

जयपूर विमानतळ (आहसंवि: JAI, आप्रविको: VIJP) हे भारताच्या राजस्थान राज्यातील जयपूर या राजधानीच्या शहराजवळ असलेला विमानतळ आहे.यास सांगानेर विमानतळ असेही म्हणतात.हे जयपूरहुन १३ किमी (८.१ मैल) दुर असून सांगानेर या गावाजवळ आहे.हे राजस्थान या राज्यात असलेला एकमात्र आंतरराष्ट्रीय विमानतळ आहे.

२९ डिसेंबर, २००५ रोजी या विमानतळाला आंतरराष्ट्रीय विमानतळाचा दर्जा दिला गेला. येथे एकाच वेळी ४ ए३२० प्रकारची विमाने उभी राहू शकतात. नवीन टर्मिनल इमारतीमध्ये एकाच वेळी ५०० प्रवाशांची सोय होऊ शकते.

इमारत

टर्मिनल इमारत

जयपूर विमानतळाच्या नवीन देशांतर्गत टर्मिनल इमारतीचे उद्घाटन १ जुलै २००९ रोजी करण्यात आले. २२,९५० चौरस मीटर क्षेत्रफळ असलेले हे नवीन टर्मिनल काच आणि पोलादाच्या संरचनेतून बनलेले असून येथे प्रवाशांसाठी आधुनिक सुविधा उपलब्ध आहेत. यामध्ये मध्यवर्ती वातानुकूलन, सामान तपासणी प्रणाली, आलेले सामान उचलण्यासाठीची व्यवस्था, सरकते जिने, सार्वजनिक उद्घोषणा प्रणाली, विमान उड्डाण माहिती प्रदर्शन प्रणाली-, पाळत ठेवण्यासाठी सीसीटीव्ही, अनेक विमानकंपन्यांना वापरता येणारी चेक-इनची व्यवस्था आणि वाहनतळ इत्यादींचा समावेश आहे. या आंतरराष्ट्रीय टर्मिनल इमारतीची क्षमता गर्दीच्या वेळी ५०० प्रवासी हाताळण्याची आणि वार्षिक ४ लाख प्रवासी हाताळण्याची आहे.

विमानतळाचे प्रवेशद्वार सँडस्टोन आणि धोलपूर दगडांनी बनलेले असून भिंतींवरील राजस्थानी चित्रे पर्यटकांना राजस्थानी संस्कृतीची झलक दाखवतात. इमारतीच्या दोन्ही बाजूंना असलेली दोन कारंजी आणि तेथील ताडाची झाडे विमानतळ परिसरातील तापमान कमी राखण्यास मदत करतात. इमारतीच्या पारदर्शक बाजूच्या भिंतींवर वरखाली करता येण्यासारखे पडदे बसवण्यात आले आहेत, यामुळे सूर्यप्रकाश आणि गरमीचे नियंत्रण होउन वातानुकूलन आणि विजेच्या खर्चात मोठी बचत होते.

विमानसेवा व गंतव्यस्थान

प्रवासी

चित्र:JIA Aerial View.JPG

विमानतळाचे विहंगम दृष्य

विमानकंपनी	गंतव्यस्थान 
एर अरेबिया	शारजा
एर इंडिया	मुंबई, दिल्ली
आकासा एर	अहमदाबाद, दिल्ली, गोवा–मोपा
एर इंडिया एक्सप्रेस	बेंगळुरू, दिल्ली, दुबई, गुवाहाटी, हैदराबाद, मुंबई, पुणे, वाराणसी
अलायन्स एर	दिल्ली, कुलु
एतिहाद एरवेझ	अबू धाबी
इंडिगो	अहमदाबाद, बरेली, बेंगळुरू, भोपाळ, चंदिगढ, चेन्नई, डेहराडून, दिल्ली, धर्मशाळा, गोवा–मोपा, हैदराबाद, इंदूर, जेसलमेर, जोधपूर, कोलकाता, लखनौ, नवी मुंबई, मुंबई, पंतनगर, पुणे, सुरत, उदयपूर
सलाम एर	मस्कत
स्पाइसजेट	अहमदाबाद, दिल्ली, दुबई, कोलकाता, मुंबई, पुणे, वाराणसी मोसमी: प्रयागराज
स्टार एर	बेळगाव
थाई एरएशिया	बँकॉक–दॉन मुएंग

तुम्हाला या व्यतिरि

ह्या लेखाचा/विभागाचा इंग्रजी किंवा अमराठी भाषेतून मराठी भाषेत भाषांतर करावयाचे बाकी आहे. अनुवाद करण्यास आपलाही सहयोग हवा आहे. ऑनलाईन शब्दकोश आणि इतर सहाय्या करिता भाषांतर प्रकल्पास भेट द्या. कृपया, पुढील भाषांतर संकेतांचे पालन आवर्जून करा. विकिपीडिया:शीर्षकलेखन संकेत अनुसार काही अपवाद वगळता लेख शीर्षके मराठीतच असणे अभिप्रेत आहे. एकूण लेख संख्येच्या अंदाजे २% पेक्षा अधिक लेख भाषांतर प्रतिक्षेत (इंग्रजी मसुद्याच्या स्वरूपात) असू नयेत असा संकेत आहे. स्वतःच्या संपादन संख्येच्या २% पेक्षा अधिक लेखात मसुदे परभाषेत चिटकवू नयेत.

बाह्य दुवे

• जयपूर विमानतळ Archived 2011-06-14 at the वेबॅक मशीन., भारतीय विमानतळ प्राधिकरणच्या अधिकृत संकेतस्थळावर (इंग्लिश मजकूर)
• विमानतळ माहिती वर्ल्ड एरो डाटा. माहिती अपडेट ऑक्टोबर २००६. (इंग्लिश मजकूर)
• एव्हीएशन सेफ्टी नेटवर्कच्या संकेतस्थळावर, या विमानतळावरील अपघातांचा इतिहास बघा (इंग्लिश मजकूर)