गौरी प्रधान
| लिंग | महिला  |
|---|---|
| नागरिकत्व | भारत |
| जन्म तारीख | १६ सप्टेंबर 1977 |
| जन्मस्थान | पुणे |
| वैवाहिक जोडीदार | हितेन तेजवानी |
| व्यवसाय | अभिनेता, मॉडेल, दूरदर्शन अभिनेता |
| शिक्षण घेतलेली संस्था | सर परशुरामभाऊ महाविद्यालय |
| कार्य कालावधी (प्रारंभ) | 1998 |
गौरी प्रधान-तेजवानी ही एक भारतीय अभिनेत्री आणि मॉडेल आहे जी प्रामुख्याने हिंदी टेलिव्हिजनमध्ये काम करते. प्रधान यांना कुटुंब मालिकेमधील गौरी अग्रवाल-मित्तल, क्यूंकी सास भी कभी बहू थी मालिकेमधील नंदिनी ठक्कर-विराणी, स्पेशल स्कॉड मालिकेमधील डॉ. दीपिका घोष, लेफ्ट राइट लेफ्ट मालिकेमधील कॅप्टन शोना दास आणि तू आशिकी मालिकेमधील अनिता शर्मा यांच्या भूमिकेसाठी तिला ओळखले जाते.[१]
बालपण आणि शिक्षण
[संपादन]प्रधान यांनी त्यांचे पूर्वीचे आयुष्य भारतातील जम्मू आणि काश्मीरमधील जम्मू येथे एका मराठी कुटुंबात घालवले. त्यांचे वडील मेजर सुभाष वासुदेव प्रधान हे भारतीय लष्करातील निवृत्त अधिकारी आहेत आणि त्यांची आई आशा ही गृहिणी आहे. प्रधान या तीन भावंडांमध्ये दुसऱ्या क्रमांकावर आहेत; त्यांचे मोठे भाऊ भरत हे पेट्रोकेमिकल इंजिनिअर आहेत, तर त्यांची धाकटी बहीण गीतांजली एमडी आहे. प्रधान या त्यांच्या कुटुंबातील एकमेव व्यक्ती आहेत ज्यांनी मॉडेलिंग आणि अभिनयात करिअर केले आहे.[२]
वडिलांच्या नोकरीच्या स्वरूपामुळे तिचे बालपण देशभरात प्रवास करत गेले. परिणामी, तिने वेगवेगळ्या शाळांमध्ये शिक्षण घेतले, त्यापैकी एक उधमपूर येथील कार्मेल कॉन्व्हेंट स्कूल होती. वडिलांच्या सेवानिवृत्तीनंतर, कुटुंब पुणे येथे स्थायिक झाले, जिथे तिने बीएससी (इलेक्ट्रॉनिक्स) अभ्यासक्रमासाठी सर परशुरामभाऊ कॉलेजमध्ये प्रवेश घेतला.[३] नंतर तिने लंडन विद्यापीठाशी संलग्न असलेल्या एका संस्थेतून मानसशास्त्र अभ्यासक्रमासाठी नावनोंदणी केली.[४]
कारकीर्द
[संपादन]प्रधानच्या मॉडेलिंग कारकिर्दीची सुरुवात वयाच्या १८ व्या वर्षी पुण्यात झाली. १९९८ मध्ये, बीएससी अभ्यासक्रमाच्या दुसऱ्या वर्षात असतानाच ती फेमिना मिस इंडियामध्ये भाग घेण्यासाठी मुंबईला गेली. स्मृती इराणीसोबत ती अशा स्पर्धकांपैकी आहे, ज्यांनी टीव्हीवर खूप प्रसिद्धी मिळवली. दिपानिता शर्मा देखील एक स्पर्धक होती आणि तिने टॉप ५ मध्ये स्थान मिळवले होते.[५][६][७] तिने अनेक रॅम्प शो केले आहेत आणि स्प्राइट, ब्रू, डाबर, पॉन्ड्स, संतूर, कोलगेट, फिलिप्स, ब्रीझ, इत्यादी अनेक सुप्रसिद्ध कंपन्यांसाठी टेलिव्हिजन जाहिराती केल्या आहेत.[८]
प्रधान यांनी १९९९ मध्ये दूरदर्शनवर प्रसारित झालेल्या नूरजहाँ या ऐतिहासिक दूरचित्रवाणी मालिकेद्वारे आपल्या अभिनय कारकिर्दीची सुरुवात केली व मुख्य भूमिकेचा नूर जहांचे पात्र रंगवले.
ऑक्टोबर २००१ मध्ये, प्रधान सोनी टीव्हीवरील कुटुंब या टेलि-सिरीजमुळे प्रसिद्धीच्या झोतात आली, ज्यात तिने गौरी अग्रवाल मित्तलची मुख्य भूमिका साकारली होती. त्यानंतर लगेच २००३ मध्ये, तिने स्टार प्लसवरील कृष्णा अर्जुनमध्ये श्वेताची एक एपिसोडिक भूमिका केली आणि त्यानंतर ती सोनी टीव्हीवरील नाम गुम जायेगा या एका कौटुंबिक मालिकेत प्रियांका सिंग या मुख्य नायिकेच्या भूमिकेत दिसली. २००३ मध्येच, ती क्या हादसा क्या हकीकत या हॉरर टेलि-सिरीजमध्ये मयुरी/गौरीच्या भूमिकेत दिसली. २००२ मध्ये, तिने इतर टेलिव्हिजन कलाकारांसोबत स्टार प्लसवरील किसमें कितना है दम या गायनाच्या रिॲलिटी शोच्या एका एपिसोडमध्ये भाग घेतला.
अनेक छोट्या भूमिका आणि एका लघुपट मालिकेनंतर, २००४ मध्ये प्रधानला स्टार प्लसवरील क्योंकि सास भी कभी बहू थी या मालिकेत नंदिनी ठक्करच्या मुख्य भूमिकेत आली. त्याच वर्षी, ती सहारा वन वाहिनीवर प्रसारित झालेल्या इस्से कहते है गोलमाल घर या मालिकेत मानव गोहिलच्या विरुद्ध मुख्य भूमिकेत दिसली.
मार्च २००५ मध्ये, तिने स्टार वनवरील स्पेशल स्क्वॉड या मालिकेत फॉरेन्सिक तज्ञ डॉ. दीपिका घोष यांच्या भूमिकेत प्रवेश केला. प्रधानने सोनी टीव्हीवरील रिहाई आणि जस्सी जैसी कोई नहीं यांसारख्या इतर मालिकांमध्येही विशेष भूमिका साकारल्या आहेत.
२००६ मध्ये, तिने तिचा पती हितेन तेजवानीसोबत स्टार वनवरील नच बलिये २ आणि जोडी कमाल की यांसारख्या रिॲलिटी शोमध्ये भाग घेतला आणि कैसा ये प्यार है या रोमँटिक नाट्य-मालिकेत काननची भूमिका साकारली. २००९ मध्ये, प्रधान यांनी स्टार प्लसच्या दुपारच्या दीर्घकाळ चालणाऱ्या हिट शो कुमकुम – एक प्यारा सा बंधन मध्ये त्यांच्या पतीसोबत अदिती कपूरच्या भूमिकेत होती.
२०१४ मध्ये, पाच वर्षांच्या प्रदीर्घ विश्रांतीनंतर, तिने एकता कपूरच्या मेरी आशिकी तुमसे ही (कलर्स टीव्हीवर) या मालिकेतून फाल्गुनी पारेखच्या भूमिकेतून टेलिव्हिजनवर पुनरागमन केले.[९] २०१७ ते २०१८ पर्यंत, तिने कलर्स टीव्हीच्या तू आशिकी या मालिकेत अनिता शर्माची भूमिका साकारली.[१०] २०२३ ते २०२४, तिने सब टीव्हीच्या पश्मिन्ना – धागे मोहब्बत के या मालिकेत प्रीती सुरीची भूमिका साकारली.[११]
जुलै २०२५ पासून, ती क्यूंकी सास भी कभी बहू थी २ या स्टार प्लसच्या मालिके मध्ये नंदिनी विराणीच्या भूमिकेची पुनरावृत्ती केली.[१२]
वैयक्तिक जीवन
[संपादन]प्रधान यांची भेट त्यांचे पती हितेन तेजवानी यांच्याशी हैदराबादमध्ये ब्रीझ साबणाच्या जाहिरातीच्या चित्रीकरणादरम्यान झाली. नंतर, त्यांची भेट कुटुंबच्या सेटवर झाली आणि योगायोगाने त्यांना मुख्य जोडी म्हणून निवडण्यात आले. पडद्यावरील केमिस्ट्रीमुळे त्यांच्यात प्रेमाचे अंकुर फुटले आणि त्यांनी एकमेकांना डेट करण्यास सुरुवात केली.[१३] क्योंकि सास भी कभी बहू थी या दुसऱ्या एका डेली सोपमध्ये करण आणि नंदिनी या दुर्दैवी प्रेमींची भूमिका साकारत असताना त्यांनी लग्न करण्याचा निर्णय घेतला.[१४]
दोन वर्षांच्या प्रेमसंबंधानंतर, २९ एप्रिल २००४ रोजी पुण्यातील सन-एन-सँड हॉटेलमध्ये महाराष्ट्रीयन रितीरिवाजानुसार एका खाजगी समारंभात त्यांचा विवाह झाला.[१५][१६]
११ नोव्हेंबर २००९ रोजी, ते नेवान नावाचा मुलगा आणि काट्या नावाची मुलगी या जुळ्या मुलांचे पालक झाले.[१७][१८]
पुरस्कार आणि नामांकने
[संपादन]| वर्ष | पुरस्कार | श्रेणी | मालिका | निकाल | संदर्भ. |
|---|---|---|---|---|---|
| २००२ | इंडियन टेली पुरस्कार | सर्वोत्कृष्ट पडद्यावरील जोडी (हितेन तेजवानी सोबत) | कुटुंब | नामांकन | [१९] |
| २००३ | क्यूंकी सास भी कभी बहू थी | नामांकन | [२०] | ||
| २००५ | नामांकन | [२१] [२२] | |||
| सर्वोत्कृष्ट सहाय्यक अभिनेत्री | विजयी | ||||
| २०१८ | गोल्ड पुरस्कार | नकारात्मक भूमिकेतील सर्वोत्कृष्ट अभिनेत्री | तू आशिकी | नामांकन | [२३] |
संदर्भ
[संपादन]- ↑ "Rise of early primetime". The Indian Express. 13 February 2021 रोजी मूळ पानापासून संग्रहित.
- ↑ "Gauri Pradhan Tejwani's Height, Age, Serials, Personal Life, Biography". 30 July 2019 रोजी मूळ पान पासून संग्रहित. 17 December 2014 रोजी पाहिले.
- ↑ "Biography of Gauri Pradhan:About Gauri". 17 September 2013 रोजी मूळ पान पासून संग्रहित.
- ↑ University of London (1912). University of London, the Historical Record: (1836–1912) Being a Supplement to the Calendar, Completed to September 1912. First Issue. University of London Press. p. 26. 13 January 2017 रोजी पाहिले.
- ↑ "Saas-bahu on the ramp – Mumbai Mirror –".
- ↑ "The Hindu : Metro Plus Chennai / Profiles : Life…on her own terms". The Hindu. 6 June 2009. 5 June 2014 रोजी मूळ पान पासून संग्रहित. 1 June 2014 रोजी पाहिले.
- ↑ "Smriti Irani: From model to Tulsi Virani to HRD minister | Firstpost". 29 May 2014 रोजी मूळ पान पासून संग्रहित. 1 June 2014 रोजी पाहिले.
- ↑ Kapadia, Arshiya (20 May 2005). "I don't believe in the kind of marriage that changes a person completely". Rediff. 11 March 2010 रोजी पाहिले.
- ↑ "Gauri Is Brilliant: Ekta Kapoor On Her Meri Aashiqui Tum Se Hi Actress". The Times of India. 17 June 2014.
- ↑ "Kutumb Actress Gauri Pradhan Says She's 'Prepared For Failure'". NDTV.com. 10 May 2021 रोजी पाहिले.
- ↑ "Hiten Tejwani Calls Reuniting with Wife Gauri Pradhan for a New Show 'Comfortable': 'You Don't...'". 19 September 2023 रोजी पाहिले.
- ↑ "Kyunki Saas Bhi Kabhi Bahu Thi 2: Hiten Tejwani, Shakti Anand and others from the original cast reunite with Smriti Irani and Amar Upadhyay to shoot for the show". The Times of India (इंग्रजी भाषेत). 20 July 2025. 21 July 2025 रोजी पाहिले.
- ↑ Keshri, Shweta (30 October 2020). "Kutumb turns 19, Hiten Tejwani and Gauri Pradhan thank fans for all the love". India Today (इंग्रजी भाषेत). 10 May 2021 रोजी पाहिले.
- ↑ "Jodi no 1: Gauri Pradhan and Hiten Tejwani". shaaditimes. 12 May 2020 रोजी मूळ पान पासून संग्रहित. 3 November 2014 रोजी पाहिले.
- ↑ "Celeb Love Story: Gauri & Hiten Tejwani". iDiva Trendspotter. 28 December 2010. 28 December 2010 रोजी पाहिले.
- ↑ "Gauri and Hiten". 17 December 2014 रोजी मूळ पान पासून संग्रहित.
- ↑ Shah, Kunal M (5 June 2009). "Gauri is four months pregnant". The Times of India. 12 April 2016 रोजी पाहिले.
- ↑ "Hiten and Gauri blessed with Twins". Gaea Times. 2023-02-06 रोजी मूळ पान पासून संग्रहित. 11 November 2009 रोजी पाहिले.
- ↑ "Telly awards 2002 Popular Awards nominees". Indian Telly Awards. 2013-10-16 रोजी मूळ पान पासून संग्रहित. 2014-02-10 रोजी पाहिले.
- ↑ "Telly awards 2003 Popular Awards nominees". Indian Telly Awards. 2013-10-16 रोजी मूळ पान पासून संग्रहित. 2014-02-10 रोजी पाहिले.
- ↑ "Telly awards 2005 Popular Awards nominees". Indian Telly Awards. 2016-03-04 रोजी मूळ पान पासून संग्रहित. 2013-12-03 रोजी पाहिले.
- ↑ "Telly awards 2005 Popular Awards winners". Indian Telly Awards. 2018-09-17 रोजी मूळ पान पासून संग्रहित. 2013-12-03 रोजी पाहिले.
- ↑ Fazeen, Sana (20 June 2018). "Zee Gold Awards 2018: Jennifer Winget, Mouni Roy, Hina Khan, Sriti Jha, Nakuul Mehta win big honours". The Indian Express (इंग्रजी भाषेत). 20 October 2022 रोजी पाहिले.